50. fundur
stjórnskipunar- og eftirlitsnefndar á 141. löggjafarþingi
haldinn í Austurstræti 8-10, þriðjudaginn 12. febrúar 2013 kl. 10:05

Mættir:

Valgerður Bjarnadóttir (VBj) formaður, kl. 10:05
Álfheiður Ingadóttir (ÁI), kl. 10:05
Birgir Ármannsson (BÁ), kl. 10:05
Lúðvík Geirsson (LGeir), kl. 10:05
Margrét Tryggvadóttir (MT), kl. 10:05
Róbert Marshall (RM), kl. 10:05
Vigdís Hauksdóttir (VigH), kl. 10:10

SII og ÓN voru fjarverandi.


Nefndarritari: Elín Valdís Þorsteinsdóttir

Bókað:

Fundargerðir funda 39. - 46. og 48. - 49. lagðar fram. Fundargerðirnar samþykktar eftir sameiginlegan fund með allsherjar- og menntamálanefnd þ.e. þegar fundi var fram haldið kl. 13:10.


Á fundinn komu Ólafur Þ. Harðarson og Ástráður Haraldsson og gerðu grein fyrir sjónarmiðum við 39. gr. frumvarpsins ásamt því að svara spurningum nefndarmanna.


Formaður lagði fram drög að frumvarpi til breytinga á lögum um kosningar til Alþingis vegna stærðar kjörseðla og breytinga á kjördæmum vegna sameiningar sveitarfélaga.

Eftir sameiginlegan fund með allsherjar- og menntamálanefnd var fundi fram haldið og samþykkti nefndin kl. 13:12 að flytja málið.


Formaður kynnti að unnið væri að þýðingu á drögum að áliti Feneyjarnefndarinnar vegna 415. máls, stjórnarskipunarlög og að hún hyggðist taka það fyrir þegar sú þýðing lægi fyrir.

Hlé var gert á fundi frá kl. 11:00 - 13:05 vegna sameiginlegs fundar nefndarinnar með allsherjar- og menntamálanefnd.

Fleira var ekki gert.

Fundi slitið kl. 11:04