Bein útsending frá nefndarfundi um skýrslu umboðsmanns Alþingis

19.2.2015

Stjórnskipunar- og eftirlitsnefnd heldur opinn fund þriðjudaginn 24. febrúar kl. 10.00–11.30 um skýrslu umboðsmanns Alþingis fyrir árið 2013. Bein útsending.

Gestir á fundinum verða Tryggvi Gunnarsson, umboðsmaður Alþingis, Berglind Bára Sigurjónsdóttir skrifstofustjóri og Særún María Gunnarsdóttir, lögfræðingur hjá umboðsmanni Alþingis.

Fundurinn verður haldinn í húsnæði nefndasviðs Alþingis í Austurstræti 8-10 og verður opinn fulltrúum fjölmiðla og almenningi meðan húsrúm leyfir.

Bein útsending verður frá fundinum í ríkissjónvarpinu og á vef Alþingis og sjónvarpsrás Alþingis á dreifikerfum Símans og Vodafone.

Fundurinn verður haldinn samkvæmt reglum um opna fundi fastanefnda Alþingis.