Félagsþjónusta sveitarfélaga
416. mál á 144. löggjafarþingi.
Félags- og húsnæðismálaráðherra.
Markmið
Að skýra ákvæði sem snúa að reglum sveitarfélaga um fjárhagsaðstoð og eyða óvissu. Að virkja atvinnuleitendur sem hafa fullnýtt rétt sinn innan atvinnuleysistryggingakerfisins til þátttöku að nýju á vinnumarkaði og koma í veg fyrir að langvarandi atvinnuleysi leiði til óvinnufærni.Helstu breytingar og nýjungar
Lagt er til að ráðherra gefi árlega út leiðbeinandi reglur til sveitarfélaga um framkvæmd fjárhagsaðstoðar þar sem meðal annars sé kveðið á um viðmiðunarfjárhæðir og að sveitarfélögin fái skýrari heimildir til að skilyrða fjárhagsaðstoð félagsþjónustu.
Lagt er til að heimilt verði að kveða á um skerðingu mánaðarlegrar grunnfjárhagsaðstoðar í tvo mánuði í senn. Þá er lagt til að ekki verði heimilt að skerða mánaðarlega grunnfjárhagsaðstoð um meira en helming.
Breytingar á lögum og tengd mál
Lög um félagsþjónustu sveitarfélaga nr. 40/1991.
Sjá einnig 129. gr. sveitarstjórnarlaga nr.
138/2011.
Kostnaður og tekjur
Ekki er reiknað með auknum kostnaði fyrir ríkissjóð.Umsagnir (helstu atriði)
Meðal þess sem bent var á í umsögnum var að óljóst væri hver framkvæmdi vinnufærnimat og að skýra þyrfti hlutverk Vinnumálastofnunar. Hagsmunasamtök heimilanna lýstu sig andvíg því að sveitarfélögum
verði heimilað að setja skilyrði, um atvinnuþátttöku, fyrir fjárhagsaðstoð.
Afgreiðsla
Afgreitt úr nefnd til 2. umræðu.
