Almennar stjórnmálaumræður 14. maí
Almennar stjórnmálaumræður (eldhúsdagsumræður) verða 14. maí 2014 og hefjast kl. 19:40 og verða sendar út í útvarpi og sjónvarpi.
Umræðurnar skiptast í þrjár umferðir og hefur hver þingflokkur 10 mínútur í fyrstu umferð, 6 mínútur í annarri og 6 mínútur síðustu umferð.
Röð flokkanna verður þessi í öllum umferðum:
Samfylkingin, Sjálfstæðisflokkur, Vinstri hreyfingin – grænt framboð, Framsóknarflokkur, Björt framtíð og Píratar.
Ræðumenn flokkanna verða:
Fyrir Samfylkinguna tala Árni Páll Árnason, 4. þm. Suðvesturkjördæmis, í fyrstu umferð, í annarri Valgerður Bjarnadóttir, 11. þm. Reykjavíkurkjördæmis norður, og í þeirri þriðju Guðbjartur Hannesson, 5. þm. Norðvesturkjördæmis.
Ræðumenn Sjálfstæðisflokksins eru Hanna Birna Kristjánsdóttir innanríkisráðherra í fyrstu umferð, Guðlaugur Þór Þórðarson, 7. þm. Reykjavíkurkjördæmis suður, í annarri umferð, en í þriðju umferð Unnur Brá Konráðsdóttir, 4. þm. Suðurkjördæmis.
Fyrir Vinstri hreyfinguna – grænt framboð tala Katrín Jakobsdóttir, 3. þm. Reykjavíkurkjördæmis norður, í fyrstu umferð, Svandís Svavarsdóttir, 5. þm. Reykjavíkurkjördæmis suður, í annarri en í þriðju umferð Bjarkey Gunnarsdóttir, 9. þm. Norðausturkjördæmis.
Ræðumenn Framsóknarflokksins eru í fyrstu umferð Sigurður Ingi Jóhannsson, sjávarútvegs- og landbúnaðarráðherra og umhverfis- og auðlindaráðherra, Sigrún Magnúsdóttir, 7. þm. Reykjavíkurkjördæmis norður, í annarri og Frosti Sigurjónsson, 2. þm. Reykjavíkurkjördæmis norður, í þriðju umferð.
Fyrir Bjarta framtíð tala í fyrstu umferð Guðmundur Steingrímsson, 7. þm. Suðvesturkjördæmis, í annarri Brynhildur Pétursdóttir, 10. þm. Norðausturkjördæmis, en í þriðju umferð Óttarr Proppé, 11. þm. Reykjavíkurkjördæmis suður.
Ræðumenn Pírata eru Birgitta Jónsdóttir, 12. þm. Suðvesturkjördæmis, í fyrstu umferð, Helgi Hrafn Gunnarsson, 10. þm. Reykjavíkurkjördæmis norður, í annarri en í þriðju umferð Jón Þór Ólafsson, 10. þm. Reykjavíkurkjördæmis suður.
