Tilkynningar

Málverk af Sólveigu Pétursdóttur, fyrrverandi forseta Alþingis, afhjúpað í Alþingishúsinu

13.4.2012

Í dag, föstudaginn 13. apríl, afhjúpaði forseti Alþingis, Ásta R. Jóhannesdóttir, málverk af Sólveigu Pétursdóttur, fyrrverandi forseta Alþingis, að viðstöddum alþingismönnum, fjölskyldu Sólveigar, fyrrum samþingmönnum og fleiri gestum.

Stephen Lárus Stephen listmálari málaði myndina og hefur henni verið komið fyrir í efrideildarsal.

Sólveig Pétursdóttir var forseti Alþingis 2005-2007. Hún sat á Alþingi í 16 ár, frá febrúar 1991 til vors 2007. Hún hafði áður setið nokkur skipti á Alþingi sem varamaður, en sem slíkur settist hún fyrst á þing í október 1987. Sólveig gegndi embætti dóms- og kirkjumálaráðherra 1999-2003.