Tilkynningar

Starfsfólk í mötuneyti

9.7.2015

Skrifstofa Alþingis auglýsir eftir matráði og starfsmanni í mötuneyti í fullt starf.

Helstu verkefni og ábyrgð

  • Matseld, bakstur og annar matarundirbúningur.
  • Matseðlagerð.
  • Innkaup og rekstur.
  • Uppþvottur og þrif.
  • Undirbúningur og vinna við móttökur og fundi.
  • Önnur verkefni í mötuneyti.

Hæfnikröfur

  • Menntun á sviði matartækni eða sambærileg menntun.
  • Marktæk reynsla af vinnu í mötuneyti eða í sambærilegu starfi.
  • Reynsla af stjórnun og rekstri mötuneytis.
  • Góð kunnátta í matargerð og bakstri.
  • Ástríða fyrir matargerð og vilji til að bæta við þekkingu.
  • Lipurð í mannlegum samskiptum og góð þjónustulund.
  • Frumkvæði og sjálfstæð vinnubrögð.
  • Snyrtimennska og stundvísi.

Frekari upplýsingar um starfið
Laun samkvæmt gildandi kjarasamningi fjármálaráðherra og viðkomandi stéttarfélags.
Mötuneytið er í Skála Alþingis við Kirkjustræti. Þar borða að jafnaði 100-140 manns. Lögð er áhersla á hollan og góðan hádegisverð sem eldaður er frá grunni. Einnig er útbúinn matur fyrir kvöldfundi Alþingis, aðra fundi og móttökur. Umsækjandi þarf að geta hafið störf sem fyrst. Alþingi er reyklaus vinnustaður.

Um laun starfsmanna Alþingis gildir kjarasamningur milli forseta Alþingis og Félags starfsmanna Alþingis. Karlar jafnt sem konur eru hvött til að sækja um stöðuna. Umsóknir gilda í sex mánuði frá lokum umsóknarfrests.

Athugið að vegna sumarleyfa mun úrvinnsla umsókna ekki fara fram fyrr en eftir 10. ágúst. Öllum umsóknum verður svarað þegar ákvörðun um ráðningu liggur fyrir.


Gildi skrifstofu Alþingis eru:
Þjónustulund. Fagmennska. Samvinna.


Starfshlutfall er 100%
Umsóknarfrestur er til og með 27.07.2015


Nánari upplýsingar veitir
Ólöf Þórarinsdóttir - olof@althingi.is - 563 0500

Sækja um starf