Starfsmaður á fjármálaskrifstofu
Skrifstofa Alþingis óskar eftir að ráða starfsmann á fjármálaskrifstofu. Um er að ræða fullt starf.
Helstu verkefni og ábyrgð
Vinna við fjárhagsbókhald, bókun og afstemmingu.
Vinna við uppgjör ferða og annars kostnaðar þingmanna.
Umsjón með eignaskrá.
Önnur verkefni á fjármálaskrifstofu.
Hæfnikröfur
Menntun sem nýtist í starfi. Formleg bókhaldsmenntun er kostur.
Marktæk reynsla af færslu bókhalds er skilyrði og þekking á Navision er kostur.
Reynsla af almennum skrifstofustörfum er kostur.
Góð tölvu- og íslenskukunnátta og færni í helstu notendaforritum.
Frumkvæði og metnaður í starfi.
Lipurð í mannlegum samskiptum og góð þjónustulund.
Öguð, skipulögð og sjálfstæð vinnubrögð.
Frekari upplýsingar um starfið
Hlutverk fjármálaskrifstofu er umsjón með fjárhagsbókhaldi og fjárreiðum Alþingis, launabókhaldi þingmanna, ferðabókunum, uppgjöri á ferðakostnaði innan lands og utan. Greiðslu annars kostnaðar í tengslum við störf þingmanna og móttöku og greiðslu reikninga ásamt umsjón með eignaskrá. Skrifstofan veitir þingmönnum upplýsingar um starfskjör og önnur réttindamál.
Við leitum að jákvæðum og þjónustuliprum starfsmanni í fimm manna teymi undir stjórn forstöðumanns. Skrifstofa Alþingis er lifandi og skemmtilegur vinnustaður sem leggur áherslu á fjölskylduvænt og öruggt vinnuumhverfi.
Um laun starfsmanna Alþingis gildir kjarasamningur milli forseta Alþingis og Félags starfsmanna Alþingis. Karlar jafnt sem konur eru hvött til að sækja um stöðuna. Umsóknir gilda í sex mánuði frá lokum umsóknarfrests. Öllum umsóknum verður svarað þegar ákvörðun um ráðningu liggur fyrir.
Gildi skrifstofu Alþingis eru:
Þjónustulund, fagmennska og samvinna.
Alþingi er reyklaus vinnustaður.
Starfshlutfall er 100%
Umsóknarfrestur er til og með 04.04.2016
Nánari upplýsingar veitir
Eggert Jónsson - eggertj@althingi.is - 5630500
Sækja um starf
