Upplýs­ingar um þing­störfin

Þingfundir, ræður og skjöl á vef

Ýmsar leiðir eru til að kynna sér störf Alþingis. Þingskjöl og ræður eru aðgengileg á vef Alþingis. Þingskjöl birtast þar eftir að þeim hefur verið útbýtt í þingsalnum og ný þingskjöl og nýsamþykkt lög og ályktanir birtast á forsíðu vefsins. Fundargerðir þingfunda (gerðabók) birtast jafnóðum á vefnum. Ræður eru birtar á vefnum eftir fyrsta yfirlestur.

Dagskrá þingfunda og nefndafunda

Dagskrá þingfunda er birt á forsíðu vefs Alþingis. Dagskrá Alþingis er einnig birt á síðu 230 í textavarpi sjónvarpsins. Fundir nefnda og dagskrár eru á forsíðu vefsins. Nánari upplýsingar um nefndastarf eru veittar hjá nefndasviði, í síma 563 0420.

Staða mála

Á vefnum er hægt að sjá stöðu þingmála.

Þingpallar

Á meðan þingfundur stendur eru þingpallar öllum opnir. Þingpallarnir eru á þriðju hæð Alþingishússins. Gengið er inn á þingpallana frá Templarasundi.

Bein útsending frá þingfundum og opnum nefndarfundum

Sjónvarpað er beint frá þingfundum á rás ríkissjónvarpsins frá því að þingfundur hefst þar til regluleg dagskrá sjónvarpsins hefst um kl. 17. Standi þingfundur lengur er honum sjónvarpað daginn eftir og hefst sú útsending kl. 9.30. Sjónvarpað er óslitið frá þingfundum og opnum nefndarfundum á Alþingisrásinni sem finna má á dreifikerfum Digital Ísland, Vodafone og Símans. Enn fremur eru beinar útsendingar frá þingfundum og opnum nefndarfundum á heimasíðu Alþingis.