Fjárlaganefnd

Upplýsingar úr gagnagrunni (á yfirstandandi þingi) Nefndarmenn Fundargerðir Umsagnarbeiðnir og innsend erindi Mál sem vísað hefur verið til nefndarinnar Mál sem nefndin hefur til umræðu/meðferðar Mál sem nefndin hefur afgreitt Mál sem nefndin tekur upp eða flytur að eigin frumkvæði RSS-áskrift af málum í umsagnarferli

Opnir nefndafundir Opinn fundur í efnahags- og skattanefnd, fjárlaganefnd og viðskiptanefnd með Seðlabanka Íslands 4. mars 2011 Opinn fundur fjárlaganefndar með fjármálaráðherra 1. apríl 2009

Nefndarritarar:
Jón Magnússon viðskiptafræðingur,
Ólafur Elfar Sigurðsson viðskiptafræðingur,

Fastur fundartími nefndarinnar er á mánudögum kl. 9.30-11.30 og miðvikudögum kl. 9.00-12.00.

Kosning

Kosið er í nefndir á fyrsta fundi Alþingis að afloknum alþingiskosningum. Að öllu jöfnu eru 9 þingmenn kosnir á fyrsta fundi hvers kjörtímabils og gildir sú kosning til loka kjörtímabilsins.

Málaflokkar

Nefndin fjallar um fjármál ríkisins, fjárveitingar, eignir ríkisins, lánsheimildir og ríkisábyrgðir og lífeyrisskuldbindingar ríkissjóðs. Enn fremur skal nefndin annast eftirlit með framkvæmd fjárlaga.

Hlutverk og helstu verkefni

Mikilvægasta verkefni nefndarinnar er að fylgja eftir og gefa álit á frumvarpi til fjárlaga og frumvarpi til fjáraukalaga á hverju ári. Eftir 1. umræðu á Alþingi er fjárlagafrumvarpi vísað til fjárlaganefndar. Nefndin hefur tekið vinnubrögð til endurskoðunar og breytt áherslum á undanförnum árum. Sem dæmi má nefna að nú hefur Alþingi hætt úthlutunum á styrkjum til ýmissa verkefna félagasamtaka og einstaklinga og hefur verkefnið þess í stað flust til ráðuneyta sem bera ábyrgð á viðkomandi málaflokkum. Þá mun nefndin leggja fram frumvörp sem miða að því að styrkja fjárstjórnarvald Alþingis. Einnig er fyrirhugað að birta verklagsreglur nefndarinnar um eftirfarandi þrjá þætti:

• umfjöllun nefndarinnar um frumvörp til fjárlaga og fjáraukalaga,


• verklag við töku meiri háttar ákvarðana í ríkisfjármálum, s.s. vegna fjárfestinga og skuldbindinga umfram 500 m.kr.,


• áherslur og verklag við framkvæmd fjárlaga.

Fjárlaganefndin hefur lagt sérstaka áherslu á eftirlitshlutverk sitt með framkvæmdarvaldinu á sl. árum. Kemur það m.a. fram í ítarlegum nefndarálitum og eftirfylgni í tengslum við endurskoðunarskýrslu Ríkisendurskoðunar á ríkisreikningi hvers árs. Einnig hefur nefndin aukið eftirfylgni með skýrslum og greiningum á framkvæmd fjárlaga innan ársins.

Umsagnir um þingmál

Vakin er athygli á því að frá og með 142. löggjafarþingi verður nefndastarf fastanefnda Alþingis rafrænt. Svörum við umsagnarbeiðnum og athugasemdum um þingmál (sjá umsagnir um þingmál) ber að skila á rafrænu formi á netfangið nefndasvid@althingi.is.

Öllum er frjálst að senda nefnd skriflega umsögn um þingmál að eigin frumkvæði og hefur slík umsögn sömu stöðu og þær sem berast samkvæmt beiðni nefndar. Meginreglan er sú að aðgangur að erindum til nefnda er öllum heimill eftir að nefnd hefur átt þess kost að fjalla um þau og er þau birt á vef.