Alþingi - Kjördæmaskipan 1959 -1999

Skipting landsins í átta kjördæmi var sú sama frá 1959 til 1999. Í lögum um kosningar til Alþingis frá 1987 má finna nákvæm mörk kjördæmanna. Þessi lög féllu úr gildi í maí 2000.

Kjördæmi 1959-1999

Samkvæmt kjördæmaskipan sem kosið var eftir í síðasta sinn í maí 1999 skiptust þingsæti þannig niður á kjördæmi

RV	Reykjavík 19 þm.(4 jöfnunarsæti).
	Kjördæmi sem nær yfir Reykjavík. Stofnað 1959. Föst þingsæti 19.
RN	Reykjanes 12 þm. (3 jöfnunarsæti).
	Kjördæmi sem nær yfir Gullbringu- og Kjósarsýslu, Mosfellsbæ, Seltjarnarnes, Kópavog, Garðabæ, Hafnarfjörð, Njarðvík, Keflavík og Grindavík. Stofnað 1959. Föst þingsæti 12.
VL	Vesturland 5 þm. (1 jöfnunarsæti).
	Kjördæmi sem nær yfir Borgarfjarðarsýslu, Mýrasýslu, Snæfellsnes- og Hnappadalssýslu, Dalasýslu, Akranes, Borgarnes og Ólafsvík. Stofnað 1959. Föst þingsæti 5.
VF	Vestfirðir 5 þm. (1 jöfnunarsæti).
	Kjördæmi sem nær yfir Austur-Barðastrandarsýslu og Vestur-Barðastrandarsýslu, Vestur-Ísafjarðarsýslu og Norður-Ísafjarðarsýslu, Strandasýslu, Bolungarvík og Ísafjörð. Stofnað 1959. Föst þingsæti 5.
NV	Norðurland vestra 5 þm. (1 jöfnunarsæti).
	Kjördæmi sem nær yfir Vestur-Húnavatnssýslu, Austur-Húnavatnssýslu og Skagafjarðarsýslu, Blönduós, Sauðárkrók og Siglufjörð. Stofnað 1959. Föst þingsæti 5.
NE	Norðurland eystra 6 þm. (1 jöfnunarsæti).
	Kjördæmi sem nær yfir Eyjafjarðarsýslu, Suður-Þingeyjarsýslu og Norður-Þingeyjarsýslu, Akureyri, Dalvík, Ólafsfjörð og Húsavík. Stofnað 1959. Föst þingsæti 6.
AL	Austurland 5 þm. (1 jöfnunarsæti).
	Kjördæmi sem nær yfir Norður-Múlasýslu, Suður-Múlasýslu og Austur-Skaftafellssýslu, Seyðisfjörð, Neskaupstað og Eskifjörð. Stofnað 1959. Föst þingsæti 5.
SL	Suðurland 6 þm. (1 jöfnunarsæti).
	Kjördæmi sem nær yfir Vestur-Skaftafellssýslu, Rangárvallasýslu og Árnessýslu, Vestmannaeyjar og Selfoss. Stofnað 1959. Föst þingsæti 6.

Óbundið

Eitt þingsæti var skv. kosningalögum óbundið kjördæmi í tvennum kosningum, 1987 og 1991. Í fyrra sinn kom sætið í Vesturlandskjördæmi, en í síðara sinn í Vestfjarðakjördæmi. Með breytingum á kosningalögum 1995 var reglum breytt þannig að sætið fór í Reykjaneskjördæmi fyrir kosningarnar það ár.

LA Landskjörinn (fyrir 110. löggjafarþing.)

Til baka