Afnot af fundarherbergi í norðvesturhluta jarðhæðar Alþingishússins

I.

Afnot af fundarherberginu er bundin við eftirfarandi:

1. Fundi sem forseti Alþingis stendur fyrir s.s. fundi forsætisnefndar.
2. Fundi sem forsætisráðherra og ráðherrar standa fyrir.
3. Fundi sem formenn stjórnarandstöðu standa fyrir sameiginlega.
4. Fundi sem form. utanríkismálanefndar á með erlendum sendiherrum.
5. Fundi sem fulltrúar fastanefnda eða þingflokka eiga með erlendum gestum.
6. Blaðamannafundi sem formenn stjórnarandstöðu efna til sameiginlega.
7. Blaðamannafundi sem formenn stjórnarflokka efna til sameiginlega.
8. Fundi sem vinnuhópar á vegum forseta Alþingis halda.
9. Fundi sem forseti Alþingis heimilar sérstaklega.

II.

Beiðni um afnot af fundarherberginu skal komið á framfæri við þingverði í vaktstöð í Skála sem sjá um að bóka slíkar beiðnir.

III. gr.

Umsjón með framkvæmd þessara reglna er á hendi deildarstjóra þingvörslu.

(Samkvæmt ákvörðun forseta Alþingis 16. des. 2008.)