Hljóð- og myndupptökur

Hljóð- og myndupptökur birtast á vef Alþingis á þeim stöðum sem ræður og þingfundir eru birt og hægt er hlusta og horfa á ræður þingmanna jafnvel þó svo að útskrift af þeim sé ekki til.

Smellt er með músinni á nafn ræðumanns eins og áður og ef útskriftin er ekki til þá birtist eftirfarandi: Ræðan er ekki tilbúin en þá er hægt að smella á Hlusta eða Horfa.

Hér eru gefin nokkur dæmi sem sýna hvar og hvernig þingfundir og ræður og upptökur af þeim birtast á vef Alþingis:

	Fundalisti:
	Athugið að myndupptökur af fundum eru aðgengilegar á vef í lok fundar eða í fundarhléum, í síðasta lagi í lok fundardags en hljóðupptökur strax að lokinni ræðu. Ef smellt er Horfa beint úr fundalistanum spilast fundurinn í heild. Ef smellt er á númer fundar er hægt að velja að hlusta eða horfa á einstaka umræður eða einstakar ræður, fyrst er smellt á tímann sem birtist í hornklofa hægra megin á síðunni og svo er hægt að velja nöfn ræðumanna og þá er hægt að velja Hlusta eða Horfa fyrir ofan nafn ræðumanns.
	Ferill máls:
	Einnig er hægt að nálgast upptökur af ræðum sem tilheyra einstaka málum með því að fara í gegnum feril máls. Þá er valið Hlusta sem birtist undir Umræða og í framhaldi af því er hægt að velja hvort horfa skal á myndupptöku eða hlusta og jafnframt hægt að velja einstaka ræður úr umræðunni eða hlusta á umræðuna í heild. Hægt er að komast í feril máls með því að smella á málsnúmer t.d. úr dagskrá þingfunda sem birtist á forsíðu vefsins. En einnig með því að fá upp lista yfir mál t.d. af forsíðu með því að velja Nýsamþykkt lög eða Ný þingskjöl, einnig er hægt að fara í gegnum síður þingmanna eða gera orðaleit.
	Ræðulistar þingmanna:
	Til að finna ræður einstakra þingmanna er fljótlegast að velja tengilinn Ræður í ljósbláa fletinum efst á forsíðu og þar undir er tengill, Leita að skráðum ræðum, þá er nóg að velja nafn viðkomandi þingmanns og velja leita, þá kemur upp listi yfir ræður á yfirstandandi þingi. Einnig er hægt að fá upp ræðulista einstakra þingmanna með því að velja tengilinn Þingmenn í ljósbláa fletinum efst á forsíðu, velja þar Alþingismenn og úr þeim lista sem þá birtist er hægt að smella á nafn hvers þingmanns og fá upp sérstaka síðu fyrir hvern og einn. Þar er smellt á Þingstörf og er þá m.a. hægt að fá upp ræður þeirra eftir þingum, velja þarf Hlusta úr lista til að fá upp valmöguleikann að Horfa. Einnig er hægt að finna ræður eftir að texti þeirra hefur verið skráður með því að því að velja orðleit í ræðutexta: Veljið Ræður í ljósbláa fletinum efst á forsíðu og svo Orðaleit í ræðutexta. Dæmi um lista með leitarniðurstöðu.