Rekstrar- og þjónustusvið

Verkefni rekstrar- og þjónustusviðs eru í meginatriðum þríþætt: Þingvarsla, tölvuþjónusta og ýmis önnur almenn þjónusta.

Þingvarslan hefur á hendi öryggisgæslu í húsnæði Alþingis. Þá annast þingvarslan rekstur og akstur bifreiða Alþingis, sér um að koma sendingum á milli húsa og annast magnljósritun, auk fleiri þjónustuverkefna.

Tölvuþjónusta annast þróun tölvumála, rekstur staðarnets og alls tölvubúnaðar Alþingis, alla almenna tölvu- og notendaþjónustu, tölvukennslu og tæknilega umsjón með vef Alþingis.

Önnur verkefni sem sviðið hefur á hendi eru ritara- og skrifstofuþjónusta, símaþjónusta, rekstur mötuneytis, rekstur og viðhald fasteigna, umsjón með húsbúnaði þingsins og ræsting.

Starfsmenn rekstrar- og þjónustusviðs eru vegna eðlis verkefna sviðsins með aðsetur í nær öllum húsum Alþingis. Starfsmenn tölvudeildar hafa aðsetur í Þórshamri og þingverðir í Alþingishúsi og Skála.