Alþingistíðindi
Alþingistíðindi eru til í prentaðri útgáfu frá 1845 til ársins 2009 (136. löggjafarþings).
Málsnúmer - þingskjalsnúmer
Þingmál hvers löggjafarþings sem lögð eru fram á skjölum fá tvö hlaupandi númer, málsnúmer og þingskjalsnúmer. Öll viðbótarþingskjöl í þingmálinu hafa sama málsnúmer en fá eigið þingskjalsnúmer. Málsnúmerið auðkennir þannig þingskjöl í hverju máli fyrir sig. Til dæmis er fjárlagafrumvarp yfirleitt með málsnúmer 1 og þingskjalsnúmer 1 en síðan bætast við málið fleiri skjöl þegar nefnd lýkur afgreiðslu eða þegar breytingartillögur koma fram (t.d. 1. mál, þskj. 345). Öll þingmál falla niður í lok hvers löggjafarþings.
Þingmál á skjölum eru:
- Frumvörp og
- Þingsályktunartillögur
Þingskjöl sem verða til við umfjöllun og afgreiðslu frumvarpa og þingsályktunartillagna:
- Nefndarálit (þar á meðal frá meiri hluta og minni hluta ef nefnd klofnar)
- Breytingartillögur
- Stöðuskjöl (frumvarp eftir 2. umræðu með öllum samþykktum breytingum)
- Lokaskjal (Lög, þingsályktanir)
Þingskjöl sem tengjast eftirlitsstörfum alþingismanna eru:
- Fyrirspurnir
- Skýrslur og skýrslubeiðnir
Þingmál án skjala eru:
Mál á dagskrá þingfundar sem eru ekki á þingskjali
- Sérstök umræða
- Störf þingsins
- Almennar stjórnmálaumræður (eldhúsdagur)
- Stefnuræða forsætisráðherra
- Óundirbúnar fyrirspurnir (óundirbúinn fyrirspurnatími)
- Munnleg skýrsla
- Kosningar í nefndir og ráð
- Minningarorð
Mál sem ekki eru á þingskjali og eru tekin upp á þingfundi utan dagskrár:
- Tilkynningar
- Um fundarstjórn
- Afbrigði um dagskrármál
- Varamaður tekur þingsæti
- Rannsókn kjörbréfs
- Þingsetning
- Þingfrestun
Vinnsla og frágangur á skjölum og ræðum
Þingræður
Ræðutextinn er sleginn inn eftir hljóðupptökum í
UTF-8 textaskjöl með
XML markup. Frá 1992 til október 2004 var textinn í
iso-8859-1 textaskjölum með
SGML markup. Bráðabirgðaútgáfa ræðutexta verður aðgengileg á vefnum undir nafni ræðumanns jafnskjótt og hann hefur verið yfirlesinn.
Þingskjöl
Öll framlögð þingskjöl, þ.e.
A-hluti Alþingistíðinda, eru unnin í WordPerfect en síðan breytt vélrænt yfir í það HTML markup sem birtist á vefnum. Reynt er að setja ný þingskjöl inn á vefinn strax eftir útbýtingu í þingsal, en skjöl sem berast frá ráðuneytum (frumskjöl stjórnarfrv.) tekur nokkurn tíma að setja inn í ritvinnslu á skrifstofu Alþingis. Þau þingskjöl, sem hafa að geyma myndaðan texta í prentsmiðju (
repró), birtast ekki í heild á vefnum hér, svo sem fjárlög. Skjölin koma inn í
textaleit nóttina eða helgina eftir að þau
birtast á vefnum.
Eldri texti
Á vef þingsins er allur texti, þingskjöl og ræður, sem til er frá 1949 (69. löggjafarþingi). Þingskjöl frá 1949 (69. löggjafarþingi) og til 1988 (110. löggjafarþings) eru til sem mynduð PDF-skjöl. 77. löggjafarþing vantar, eitthvað vantar einnig inn í ræður frá eldri þingum, t.d. frá 116. löggjafarþingi frá 109. fundi 16. feb. frá kl. 17:34 til loka 112. fundar 18. feb. 18:09 rúmlega 100 ræður.
Efnisyfirlit Alþingistíðinda
Heiti mála hafa verið skráð í gagnagrunninn aftur til 1911 (22. löggjafarþings) og efnisorð o.fl. hafa að mestu verið skráð aftur til 1959 (80. löggjafarþings), sem er fyrsta reglulega þing með breyttri kjördæmaskipan. Þetta finnst undir
efnisorðaleit. Þingmenn og varamenn, nefndaseta, flutningsmenn og númer þingskjala, ræðumenn, umræður og fleira hefur einnig verið skráð og þannig er innihald efnisyfirlits Alþingistíðinda frá þessum þingum að mestu aðgengilegt á vefnum.
Standi REPRO í skjali þýðir það að skjalið eða hluti þess er myndað í prentsmiðju og textinn því ekki til á tölvutæku formi á skrifstofu Alþingis. Oft er um að ræða stjórnarfrumvörp sem unnin hafa verið í ráðuneytum.
Tenging við lagasafn
Undir
stjórnartíðindanúmeri samþykktra frumvarpa er tilvísun í
lagasafn. Þar sem ýmis lög eru ekki sett í lagasafnið, svo sem fjárlög,
fjáraukalög og breytingalög, og lög hafa fallið brott síðar er þessi tilvísun
oft óvirk.
Skrifstofa
