Upplýsinga- og útgáfusvið

Verkefni upplýsinga- og útgáfusviðs eru þríþætt: Útgáfustarfsemi, upplýsinga- og rannsóknaþjónusta og almannatengsl.

Umfangsmesti þátturinn í útgáfustarfi sviðsins er útgáfa þingræðna, á vef Alþingis og í Alþingistíðindum (B-hluta). Þá annast sviðið útgáfu ýmiss konar kynningar- og fræðsluefnis og smárita og hefur umsjón með innskönnun eldri Alþingistíðinda á vefinn. Þá hefur sviðið umsjón með æviferilsskrám þingmanna og myndasafni þingsins.

Á vegum sviðsins er rekin upplýsinga- og rannsóknaþjónusta sem sinnir margháttaðri gagna- og upplýsingaöflun fyrir þingmenn og starfsmenn skrifstofu Alþingis. Sviðið annast rekstur bókasafns Alþingis.

Almannatengslastarf sviðsins felur m.a. í sér umsjón með vef Alþingis, rekstur Skólaþings, móttöku almennings og skólanemenda og upplýsingagjöf til almennings.

Starfsmenn upplýsinga- og útgáfusviðs hafa aðsetur í Vonarstræti 8, í Skúlahúsi, Kirkjustræti 4, og á Ólafsfirði (skönnun þingtíðinda í fjarvinnslu).