Utanríkismálanefnd

Upplýsingar úr gagnagrunni (á yfirstandandi þingi) Nefndarmenn Fundargerðir Umsagnarbeiðnir og innsend erindi Mál sem vísað hefur verið til nefndarinnar Mál sem nefndin hefur til umræðu/meðferðar Mál sem nefndin hefur afgreitt Mál sem nefndin tekur upp eða flytur að eigin frumkvæði RSS-áskrift af málum í umsagnarferli

Opnir nefndafundir Opinn fundur í utanríkismálanefnd og atvinnuveganefnd með utanríkisráðherra 23. nóvember 2011 Opinn fundur í atvinnuveganefnd og utanríkismálanefnd með sjávarútvegs- og landbúnaðarráðherra 7. nóvember 2011

Nefndarritarar:
Stígur Stefánsson stjórnmálafræðingur,
Þröstur Freyr Gylfason stjórnmálafræðingur,

Fastur fundartími nefndarinnar er á þriðjudögum kl. 9.00-12.00 og fimmtudögum kl. 8.30-10.30.

Málaflokkar

Nefndin fjallar um samskipti við erlend ríki og alþjóðastofnanir, varnar- og öryggismál, útflutningsverslun, málefni Evrópska efnahagssvæðisins og þróunarmál, svo og utanríkis- og alþjóðamál almennt. Enn fremur fjallar nefndin um skýrslur alþjóðanefnda sem og skýrslu utanríkisráðherra um utanríkis- og alþjóðamál.

Samkvæmt 24. gr. þingskapa skal utanríkismálanefnd vera ríkisstjórninni til ráðuneytis um meiri háttar utanríkismál enda skal ríkisstjórnin ávallt bera undir hana slík mál, jafnt á þingtíma sem í þinghléum. Nefndarmenn eru bundnir þagnarskyldu um þá vitneskju sem þeir fá í nefndinni ef formaður eða ráðherra kveður svo á.

Kosning

Kosið var í nefndina við upphaf 140. þings vegna breytinga á lögum um þingsköp Alþingis, nr. 55/1991, með síðari breytingum, sem samþykktar voru á Alþingi 11. júní 2011. Að öllu jöfnu eru kosnir 9 þingmenn og 9 varamenn í utanríkismálanefnd á fyrsta fundi hvers kjörtímabils og gildir sú kosning til loka kjörtímabilsins.

Starfshópur um Evrópumál
Í júlí 2009 skipaði utanríkismálanefnd sérstakan starfshóp um Evrópumál í samræmi við nefndarálit meiri hluta nefndarinnar um tillögu til þingsályktunar um aðildarumsókn að Evrópusambandinu. Starfshópnum, sem skipaður er einum fulltrúa hvers stjórnmálaflokks, er ætlað að funda reglubundið með utanríkisráðherra og samninganefnd Íslands auk þess að sitja í samráðshópi ríkisstjórnarinnar og hagsmunaaðila.

Þingleg meðferð EES-mála
Utanríkismálanefnd hefur yfirumsjón með umfjöllun nefnda Alþingis um EES-mál.

Umsagnir um þingmál

Svör við umsagnarbeiðnum og athugasemdir um þingmál (sjá umsagnir um þingmál) má senda í tölvupósti en frumrit umsagnar þarf jafnframt að berast til skjalaskráningar á nefndasviði skrifstofu Alþingis, Austurstræti 8-10, 150 Reykjavík. Netfangið er nefndasvid@althingi.is. Framvegis verða beiðnir fastanefnda um umsagnir um þingmál aðeins sendar í tölvupósti.

Öllum er frjálst að senda nefnd skriflega umsögn um þingmál að eigin frumkvæði og hefur slík umsögn sömu stöðu og þær sem berast samkvæmt beiðni nefndar. Meginreglan er sú að aðgangur að erindum til nefnda er öllum heimill eftir að nefnd hefur átt þess kost að fjalla um þau og er þau birt á vef.

Sjá leiðbeiningar um ritun umsagna.