Lífsýnasöfn
160. mál á 143. löggjafarþingi.
Heilbrigðisráðherra.
Markmið
Að gera heildstæða löggjöf um lífsýnasöfn og safn heilbrigðisupplýsinga í tengslum við vísindarannsóknir á heilbrigðissviði.Helstu breytingar og nýjungar
Heimilt verði að setja á fót söfn heilbrigðisupplýsinga þar sem gögn sem aflað er til vísindarannsókna eða verða til við rannsóknir yrðu tryggilega varðveitt. Þannig yrði komið í veg fyrir verðmætasóun sem nú á sér stað þegar gögnum sem verða til við rannsóknir er eytt. Einnig er kveðið sérstaklega á um svokallaða leitargrunna. Í þá skulu fara upplýsingar úr sjúkraskrám heilbrigðisstofnana sem nýst geta til að kanna fýsileika vísindarannsókna.Breytingar á lögum og tengd mál
Lög um lífsýnasöfn nr. 110/2000.- Endurflutt: Lífsýnasöfn, 685. mál (velferðarráðherra) á 141. þingi (15.03.2013)
- Skylt mál: Vísindarannsóknir á heilbrigðissviði, 159. mál (heilbrigðisráðherra) á 143. þingi (11.11.2013)
Kostnaður og tekjur
Ekki er gert ráð fyrir auknum kostnaði fyrir ríkissjóð.Umsagnir (helstu atriði)
Umsagnir voru almennt jákvæðar en lagðar voru til ýmsar breytingar bæði efnislegar og orðalagsbreytingar.Afgreiðsla
Frumvarpið var samþykkt með breytingum sem lutu meðal annars að eftirliti landlæknis með starfsemi lífsýnasafna og safna heilbrigðisupplýsinga og að einungis megi nota niðurstöður úr fyrirspurnum í leitargrunna til rannsókna að fengnu leyfi vísindasiðanefndar eða siðanefndar heilbrigðisrannsókna.Aðrar upplýsingar
Löggjöf á Norðurlöndum
Danmörk
Lov om videnskabsetisk behandling af sundhedsvidenskabelige forskningsprojekter LOV nr 593 af 14/06/2011.
Noregur
Lov om medisinsk og helsefaglig forskning LOV-2008-06-20-44.
Svíþjóð
Lag (2003:460) om etikprövning av forskning som avser människor.
Lag (2002:297) om biobanker i hälso- och sjukvården m.m.
Finnland
Lag om medicinsk forskning 9.4.1999/488.
Biobankslag 30.11.2012/688.