Utanríkisráðherra (Jón Baldvin Hannibalsson)
(andsvar)
:
Virðulegi forseti. Ég kem til að leiðrétta fullyrðingu sem var röng í máli hv. 7. þm. Reykn. Fullyrðing hans var sú að það ætti að fella brott allar takmarkanir á innflutningi, magntakmarkanir, en í staðinn kæmi tollaígildun sem síðan ætti að falla brott. Það stendur hvergi í samkomulagsgrundvellinum sem við erum að ræða að þessi tollaígildun eigi að falla brott. Það sem þar stendur er að hún eigi að lækka um 36% á sex árum. Með öðrum orðum til þess að þetta sé alveg skýrt: Í staðinn fyrir tilteknar magntakmarkanir sem gætu verið bann eða umsamdir kvótar koma jöfnunargjöld eða tollaígildun sem vegur upp muninn á niðurgreiddu heimsmarkaðsverði og innlendu heildsöluverði. Það kemur í staðinn fyrir það. Með öðrum orðum: Sá innflutningur sem yrði leyfður er ekki á undirverðum. Síðan lækkar þetta í áföngum á sex árum. Það er rétt. En það er ekki sama og að afnema allar takmarkanir, fjarri því. Og að því er varðar spurninguna um innflutning á öðrum kjörum, þ.e. þau ákvæði sem nú eru í samkomulagsgrundvellinum um heimildir til innflutnings að lágmarki, kvöð til innflutnings að lágmarki á lágum tollum, 1--2% af innlendum markaði eins og var talað um þá, það var reyndar talað um 1--2% og það gæti aukist í áföngum, þá er talan núna 3% sem svo vaxi á sex árum í 5%. Með öðrum orðum: Þegar íslenska ríkisstjórnin gerði sitt tilboð var þetta líka uppi á borðinu. Spurningin var þá um 2--3% í staðinn fyrir núna 3--5%. Þetta eru staðreyndirnar.
Virðulegi forseti. Ég kem til að leiðrétta fullyrðingu sem var röng í máli hv. 7. þm. Reykn. Fullyrðing hans var sú að það ætti að fella brott allar takmarkanir á innflutningi, magntakmarkanir, en í staðinn kæmi tollaígildun sem síðan ætti að falla brott. Það stendur hvergi í samkomulagsgrundvellinum sem við erum að ræða að þessi tollaígildun eigi að falla brott. Það sem þar stendur er að hún eigi að lækka um 36% á sex árum. Með öðrum orðum til þess að þetta sé alveg skýrt: Í staðinn fyrir tilteknar magntakmarkanir sem gætu verið bann eða umsamdir kvótar koma jöfnunargjöld eða tollaígildun sem vegur upp muninn á niðurgreiddu heimsmarkaðsverði og innlendu heildsöluverði. Það kemur í staðinn fyrir það. Með öðrum orðum: Sá innflutningur sem yrði leyfður er ekki á undirverðum. Síðan lækkar þetta í áföngum á sex árum. Það er rétt. En það er ekki sama og að afnema allar takmarkanir, fjarri því. Og að því er varðar spurninguna um innflutning á öðrum kjörum, þ.e. þau ákvæði sem nú eru í samkomulagsgrundvellinum um heimildir til innflutnings að lágmarki, kvöð til innflutnings að lágmarki á lágum tollum, 1--2% af innlendum markaði eins og var talað um þá, það var reyndar talað um 1--2% og það gæti aukist í áföngum, þá er talan núna 3% sem svo vaxi á sex árum í 5%. Með öðrum orðum: Þegar íslenska ríkisstjórnin gerði sitt tilboð var þetta líka uppi á borðinu. Spurningin var þá um 2--3% í staðinn fyrir núna 3--5%. Þetta eru staðreyndirnar.