Heilbrigðisráðherra (Sighvatur Björgvinsson)
(um atkvæðagreiðslu)
:
Virðulegi forseti. Í 2. málslið 39. gr. þingskapa segir svo, eftir að búið er að ræða um hvernig 2. umr. um frumvörp og brtt. skuli fara fram, í einni og sömu setningu, með leyfi forseta: ,,Síðan skal greiða atkvæði um hverja grein og breytingartillögur við hana, ef fram hafa komið, og loks um það hvort frumvarpið eigi að ganga til þriðju umræðu.``
Það er auðvitað alveg ljóst að sú atkvæðagreiðsla sem hér á nú fram að fara er hluti af þeirri atkvæðagreiðslu sem þegar er lokið og í fyllsta máta eðlilegt að til hennar sé gengið sem lokaatkvæðagreiðslu um málið.
