Heilbrigðisráðherra (Sighvatur Björgvinsson)
(andsvar)
:
Virðulegi forseti. Aðeins vegna þess að hér var að ljúka máli sínu málsvari þess
flokks sem átti heilbrigðisráðherra í síðustu ríkisstjórn vil ég minna á að samkvæmt frv., sem sá ráðherra lagði fram og stutt var af Framsfl. á síðasta Alþingi, var gert ráð fyrir skerðingu á grunnlífeyri ellilífeyrisþega um 236 millj. kr. Það var gert ráð fyrir skerðingu á sérstakri heimilisuppbót ellilífeyrisþega um 500--600 millj. kr. á ári í þessum tillögum. Ég vil aðeins minna hv. framsóknarmenn á að þetta voru þeirra eigin tillögur frá því fyrir einu ári síðan.
