Ólafur Ragnar Grímsson
(andsvar)
:
Virðulegi forseti. Það er greinilegt að hæstv. fjmrh. treystir betur hv. þm. Steingrími Hermannssyni í bankaráði Landsbankans heldur en framkvæmdastjóra Sjálfstfl. Kjartani Gunnarssyni.
Ég vil hins vegar þakka hæstv. fjmrh. fyrir svörin og segja aðeins nokkur orð í framhaldi af þeim.
Í fyrsta lagi vil ég segja við hæstv. ráðherra að þó mér þyki vænt um lofið sem hann hefur flutt vegna þess framtaks míns að gefa út bókina um norræna velferðarsamfélagið á aðhaldstímum þá er þetta ekki mín bók, eins og hæstv. fjmrh. tók til orða, því hér er um að ræða skýrslu sem fjármálaráðherrar hinna Norðurlandanna tóku saman en ég taldi hins vegar eiga erindi inn í umræðuna á Íslandi og gaf þess vegna út og efndi til ráðstefnu af því tagi. En þó mér þyki kannski hólið gott þá er ekki rétt að segja að þetta sé mín bók og lesa upp úr henni eins og ég hafi skrifað bókina. Bið ég hæstv. fjmrh. að haga orðum sínum í samræmi við það.
Í öðru lagi hleypur hæstv. ráðherra ekki fram hjá þeirri staðreynd að umsvif ríkisins í hagkerfinu á þessu ári verða hlutfallslega meiri en í fyrra. Það er bara staðreynd þannig að Sjálfstfl. hefur ekki tekist að minnka umsvifin í hagkerfinu hvað þetta snertir.
Í þriðja lagi hvað vaxtalækkunina snertir þá finnst mér heldur hæpið hjá hæstv. ráðherra að vera að hæla sér af því að það sem ég kallaði rýting Seðlabankans sem er þegar Seðlabankinn í maí hækkaði vextina á spariskírteinunum á eftirmarkaði í 8,6%. Það var bara eins konar tilræði Seðlabankans við nýjan fjármálaráðherra og ekki til þess stofnað að fara að hæla Seðlabankanum fyrir að draga þann rýting út úr sárinu á bakinu á fjármálaráðherranum frá því í sumar.
Hvað snertir hins vegar Framkvæmdasjóð og Verðjöfnunarsjóð fiskiðnaðarins þá er ljóst að ef farið verður að tillögu fjárln. í því mun hallatalan á ríkissjóði í ár hækka í 5 milljarða strax og þessi tillaga verður samþykkt. Ég vona að hæstv. fjmrh. geri sér grein fyrir því.
Virðulegi forseti. Það er greinilegt að hæstv. fjmrh. treystir betur hv. þm. Steingrími Hermannssyni í bankaráði Landsbankans heldur en framkvæmdastjóra Sjálfstfl. Kjartani Gunnarssyni.
Ég vil hins vegar þakka hæstv. fjmrh. fyrir svörin og segja aðeins nokkur orð í framhaldi af þeim.
Í fyrsta lagi vil ég segja við hæstv. ráðherra að þó mér þyki vænt um lofið sem hann hefur flutt vegna þess framtaks míns að gefa út bókina um norræna velferðarsamfélagið á aðhaldstímum þá er þetta ekki mín bók, eins og hæstv. fjmrh. tók til orða, því hér er um að ræða skýrslu sem fjármálaráðherrar hinna Norðurlandanna tóku saman en ég taldi hins vegar eiga erindi inn í umræðuna á Íslandi og gaf þess vegna út og efndi til ráðstefnu af því tagi. En þó mér þyki kannski hólið gott þá er ekki rétt að segja að þetta sé mín bók og lesa upp úr henni eins og ég hafi skrifað bókina. Bið ég hæstv. fjmrh. að haga orðum sínum í samræmi við það.
Í öðru lagi hleypur hæstv. ráðherra ekki fram hjá þeirri staðreynd að umsvif ríkisins í hagkerfinu á þessu ári verða hlutfallslega meiri en í fyrra. Það er bara staðreynd þannig að Sjálfstfl. hefur ekki tekist að minnka umsvifin í hagkerfinu hvað þetta snertir.
Í þriðja lagi hvað vaxtalækkunina snertir þá finnst mér heldur hæpið hjá hæstv. ráðherra að vera að hæla sér af því að það sem ég kallaði rýting Seðlabankans sem er þegar Seðlabankinn í maí hækkaði vextina á spariskírteinunum á eftirmarkaði í 8,6%. Það var bara eins konar tilræði Seðlabankans við nýjan fjármálaráðherra og ekki til þess stofnað að fara að hæla Seðlabankanum fyrir að draga þann rýting út úr sárinu á bakinu á fjármálaráðherranum frá því í sumar.
Hvað snertir hins vegar Framkvæmdasjóð og Verðjöfnunarsjóð fiskiðnaðarins þá er ljóst að ef farið verður að tillögu fjárln. í því mun hallatalan á ríkissjóði í ár hækka í 5 milljarða strax og þessi tillaga verður samþykkt. Ég vona að hæstv. fjmrh. geri sér grein fyrir því.