Ólafur Ragnar Grímsson
(andsvar)
:
Virðulegur forseti. Sá er munurinn á þeirri stjórnskipan sem tekur við þegar Lánasýslan fær þetta til meðferðar og þeirri sem gilti áður um Framkvæmdasjóð að hér eftir mun fjmrh. einn taka ákvörðun um það hvaða eignir verða seldar og á hvaða verði. Meðan eignirnar voru hjá Framkvæmdasjóði tók þriggja manna stjórn, skipuð fulltrúum tveggja ráðherra og fulltrúum Seðlabankans, þá ákvörðun. Það er því alveg ljóst að með þessari skipan er verið að fela fjmrh. einum að fara með þessi mál. Nauðsynlegt er að það sé á hreinu í tilefni af ummælum hæstv. forsrh.
Það er alveg rétt hjá hæstv. forsrh. að ég hef ekki verið að leggjast gegn því að þetta mál verði afgreitt. Ég lét það hins vegar koma fram nú síðdegis að ég gerði mér ekki grein fyrir því fyrr en ég fékk í hendur skjölin sem efh.- og viðskn. fékk síðdegis í dag, að mál væru með þeim hætti í lánaskuldbindingum Framkvæmdasjóðs að hinir erlendu lánveitendur sem hefðu lánað 22 lán til sjóðsins gætu gjaldfellt þau öll ef ársreikningar sýndu neikvæða stöðu. Ég óska eftir að fá svör við því frá hæstv. forsrh. hvort búið er að ganga úr skugga um það hjá þessum lánveitendum að þeir mundu ekki nýta sér þennan rétt. Nú hefur hæstv. forsrh. upplýst að það hefur ekki verið gert. Hann upplýsir að hann byggi sína skoðun á mati Sigurgeirs Jónssonar og mati Birgis Ísl. Gunnarssonar og Jóhannesar Nordals. Það getur verið að þeir hafi rétt fyrir sér en þeir eru bara ekki lánveitendurnir í þessu máli. Það liggur þess vegna nú þegar fyrir, því miður, að það hefur ekki verið rætt við einn einasta lánardrottin af þeim erlendu bönkum og sjóðum sem hafa veitt þessi 22 lán. Hæstv. forsrh. vék ekkert að því hvernig hann ætlaði að fara með ársskýrslu fyrir árið 1991 sem mun óhjákvæmilega sýna gjaldþrot sjóðsins og neikvæða stöðu og mun því veita þessum erlendu lánardrottnum þennan rétt. Þess vegna verð ég að segja að þótt ég hafi verið fullur af vilja til að greiða fyrir afgreiðslu þessa máls --- mér þykir nú mjög miður að tíminn skuli vera búinn og ég líka búinn að nýta tíma minn til að tala hér tvisvar --- þá get ég ekki séð hvernig ábyrgir aðilar geta farið með þetta mál hér í endanlega afgreiðslu og þar með gert það að lögum án þess að menn hafi tækifæri til að ræða það aðeins nánar.
Virðulegur forseti. Sá er munurinn á þeirri stjórnskipan sem tekur við þegar Lánasýslan fær þetta til meðferðar og þeirri sem gilti áður um Framkvæmdasjóð að hér eftir mun fjmrh. einn taka ákvörðun um það hvaða eignir verða seldar og á hvaða verði. Meðan eignirnar voru hjá Framkvæmdasjóði tók þriggja manna stjórn, skipuð fulltrúum tveggja ráðherra og fulltrúum Seðlabankans, þá ákvörðun. Það er því alveg ljóst að með þessari skipan er verið að fela fjmrh. einum að fara með þessi mál. Nauðsynlegt er að það sé á hreinu í tilefni af ummælum hæstv. forsrh.
Það er alveg rétt hjá hæstv. forsrh. að ég hef ekki verið að leggjast gegn því að þetta mál verði afgreitt. Ég lét það hins vegar koma fram nú síðdegis að ég gerði mér ekki grein fyrir því fyrr en ég fékk í hendur skjölin sem efh.- og viðskn. fékk síðdegis í dag, að mál væru með þeim hætti í lánaskuldbindingum Framkvæmdasjóðs að hinir erlendu lánveitendur sem hefðu lánað 22 lán til sjóðsins gætu gjaldfellt þau öll ef ársreikningar sýndu neikvæða stöðu. Ég óska eftir að fá svör við því frá hæstv. forsrh. hvort búið er að ganga úr skugga um það hjá þessum lánveitendum að þeir mundu ekki nýta sér þennan rétt. Nú hefur hæstv. forsrh. upplýst að það hefur ekki verið gert. Hann upplýsir að hann byggi sína skoðun á mati Sigurgeirs Jónssonar og mati Birgis Ísl. Gunnarssonar og Jóhannesar Nordals. Það getur verið að þeir hafi rétt fyrir sér en þeir eru bara ekki lánveitendurnir í þessu máli. Það liggur þess vegna nú þegar fyrir, því miður, að það hefur ekki verið rætt við einn einasta lánardrottin af þeim erlendu bönkum og sjóðum sem hafa veitt þessi 22 lán. Hæstv. forsrh. vék ekkert að því hvernig hann ætlaði að fara með ársskýrslu fyrir árið 1991 sem mun óhjákvæmilega sýna gjaldþrot sjóðsins og neikvæða stöðu og mun því veita þessum erlendu lánardrottnum þennan rétt. Þess vegna verð ég að segja að þótt ég hafi verið fullur af vilja til að greiða fyrir afgreiðslu þessa máls --- mér þykir nú mjög miður að tíminn skuli vera búinn og ég líka búinn að nýta tíma minn til að tala hér tvisvar --- þá get ég ekki séð hvernig ábyrgir aðilar geta farið með þetta mál hér í endanlega afgreiðslu og þar með gert það að lögum án þess að menn hafi tækifæri til að ræða það aðeins nánar.