Forseti (Salome Þorkelsdóttir)
:
Ásmundur Sigurðsson, fyrrverandi alþingismaður, kennari og bóndi, andaðist sl. laugardag, 8. febrúar, 88 ára að aldri.
Ásmundur Sigurðsson var fæddur 26. maí 1903 á Reyðará í Lóni, Austur-Skaftafellssýslu. Foreldrar hans voru hjónin Sigurður búfræðingur og bóndi á Reyðará Jónsson bónda og söðlasmiðs á Setbergi í Nesjum Jónssonar og Anna kennari Lúðvíksdóttir bónda og verslunarmanns í Vallaneshjáleigu Hermannssonar. Þeir feðgar, Lúðvík og Hermann, báru ættarnafnið Schou, en Anna lagaði föðurnafn sitt að norrænu máli og nefndist Anna Hlöðversdóttir. Ásmundur ólst upp á Reyðará í hópi sex bræðra. Hann varð búfræðingur frá Hvanneyri árið 1927, nam við leikfimi- og lýðháskólann í Ollerup á Fjóni í Danmörku veturinn 1928--1929 og lauk kennaraprófi í Reykjavík vorið 1940. Hann var ráðsmaður við skólabúið á Hvanneyri í Borgarfirði 1929--1932 og jafnframt leikfimikennari við skólann þar. Bóndi á Reyðará var hann 1932--1958, hélt unglingaskóla í Nesjahreppi og Mýrahreppi í Austur-Skaftafellsýslu 1932--1934 og var kennari í Nesjahreppi 1934--1946, að undanskildum vetrinum 1939--1940 er hann stundaði kennaranám. Árið 1958 fluttist hann til Reykjavíkur og var fulltrúi í Búnaðarbankanum 1958--1973, hætti þar störfum sjötugur.
Ásmundur Sigurðsson var í framboði við alþingiskosningar í Austur-Skaftafellssýslu 1942 og kom fyrst á Alþingi 1944, var þá varamaður landskjörinna alþingismanna Sósíalistaflokksins. Landskjörinn alþingismaður var hann 1946--1953. Síðast sat hann á Alþingi haustið 1966, var þá varaþingmaður í Austurlandskjördæmi. Hann átti sæti á 13 þingum alls. Yfirskoðunarmaður ríkisreikninga var hann 1944. Sama ár var hann skipaður í milliþinganefnd til að endurskoða lög um verðlagningu landbúnaðarafurða og fleira. Í nýbýlastjórn og síðar landnámsstjórn var hann 1947--1971. Ritstjóri Nýja tímans 1950--1962.
Ásmundur Sigurðsson ólst upp á slóðum rótgróinnar sveitamenningar við almenn sveitastörf, heimanám og bóklestur. Félagsþroska öðlaðist hann í öflugu ungmennafélagi. Að loknu slitróttu en vel nýttu skólanámi stundaði hann allmörg ár kennslu barna og unglinga jafnframt búskap á föðurleifð sinni. Hann var áhugasamur um þjóðmál, var traustur flokksmaður og vann heils hugar að framgangi þeirrar stefnu sem hann markaði sér. Hann var hógvær og látlaus, ræður hans voru skýrar og fastmótaðar. Á Alþingi sinnti hann framar öðru landbúnaðar- og byggðamálum, en jafnframt voru honum hvers konar menningarmál hugleikin ásamt umbótum í kjördæmi sínu.
Ég bið hv. alþm. að minnast Ásmundar Sigurðssonar með því að rísa úr sætum. --- [Þingmenn risu úr sætum.]
Ásmundur Sigurðsson, fyrrverandi alþingismaður, kennari og bóndi, andaðist sl. laugardag, 8. febrúar, 88 ára að aldri.
Ásmundur Sigurðsson var fæddur 26. maí 1903 á Reyðará í Lóni, Austur-Skaftafellssýslu. Foreldrar hans voru hjónin Sigurður búfræðingur og bóndi á Reyðará Jónsson bónda og söðlasmiðs á Setbergi í Nesjum Jónssonar og Anna kennari Lúðvíksdóttir bónda og verslunarmanns í Vallaneshjáleigu Hermannssonar. Þeir feðgar, Lúðvík og Hermann, báru ættarnafnið Schou, en Anna lagaði föðurnafn sitt að norrænu máli og nefndist Anna Hlöðversdóttir. Ásmundur ólst upp á Reyðará í hópi sex bræðra. Hann varð búfræðingur frá Hvanneyri árið 1927, nam við leikfimi- og lýðháskólann í Ollerup á Fjóni í Danmörku veturinn 1928--1929 og lauk kennaraprófi í Reykjavík vorið 1940. Hann var ráðsmaður við skólabúið á Hvanneyri í Borgarfirði 1929--1932 og jafnframt leikfimikennari við skólann þar. Bóndi á Reyðará var hann 1932--1958, hélt unglingaskóla í Nesjahreppi og Mýrahreppi í Austur-Skaftafellsýslu 1932--1934 og var kennari í Nesjahreppi 1934--1946, að undanskildum vetrinum 1939--1940 er hann stundaði kennaranám. Árið 1958 fluttist hann til Reykjavíkur og var fulltrúi í Búnaðarbankanum 1958--1973, hætti þar störfum sjötugur.
Ásmundur Sigurðsson var í framboði við alþingiskosningar í Austur-Skaftafellssýslu 1942 og kom fyrst á Alþingi 1944, var þá varamaður landskjörinna alþingismanna Sósíalistaflokksins. Landskjörinn alþingismaður var hann 1946--1953. Síðast sat hann á Alþingi haustið 1966, var þá varaþingmaður í Austurlandskjördæmi. Hann átti sæti á 13 þingum alls. Yfirskoðunarmaður ríkisreikninga var hann 1944. Sama ár var hann skipaður í milliþinganefnd til að endurskoða lög um verðlagningu landbúnaðarafurða og fleira. Í nýbýlastjórn og síðar landnámsstjórn var hann 1947--1971. Ritstjóri Nýja tímans 1950--1962.
Ásmundur Sigurðsson ólst upp á slóðum rótgróinnar sveitamenningar við almenn sveitastörf, heimanám og bóklestur. Félagsþroska öðlaðist hann í öflugu ungmennafélagi. Að loknu slitróttu en vel nýttu skólanámi stundaði hann allmörg ár kennslu barna og unglinga jafnframt búskap á föðurleifð sinni. Hann var áhugasamur um þjóðmál, var traustur flokksmaður og vann heils hugar að framgangi þeirrar stefnu sem hann markaði sér. Hann var hógvær og látlaus, ræður hans voru skýrar og fastmótaðar. Á Alþingi sinnti hann framar öðru landbúnaðar- og byggðamálum, en jafnframt voru honum hvers konar menningarmál hugleikin ásamt umbótum í kjördæmi sínu.
Ég bið hv. alþm. að minnast Ásmundar Sigurðssonar með því að rísa úr sætum. --- [Þingmenn risu úr sætum.]