Viðskiptaráðherra (Jón Sigurðsson)
:
Hæstv. forsti. Eins og kom fram hjá hv. fyrirspyrjanda, 5. þm. Austurl., hefur komið í ljós í víðtækum verðkönnunum sem Verðlagsstofnun hefur gert, einkum í matvöruverslun á síðustu árum, að verðmunur milli höfuðborgarsvæðisins og landsbyggðarinnar í þessari verslunargrein hefur farið nokkuð vaxandi. Þar má nefna að meðaltölurnar í þessu, sem ég er sammála hv. fyrirspyrjanda að segi ekki alla sögu, voru þær að þessi verðmunur var í október 1989 3,8% en 4,9% í október 1991. Hverjar skyldu vera skýringarnar á þessu? Þær eru að sumu leyti augljósar. Samkeppni á milli verslana á höfuðborgarsvæðinu er mun meiri en víðast utan þess og hún hefur leitt til hlutfallslegrar lækkunar á verðlagi í Reykjavík og nágrannabyggðum. Ég leyfi mér að halda því fram að á undanförnum árum hafi þessar breytingar fyrst og fremst verið þannig að aukin samkeppni hafi lækkað verð á þéttbýlisstöðunum.
Stærð markaðarins á höfuðborgarsvæðinu og nálægð verslana þar við þorra innflytjenda og innlenda framleiðendur leiðir líka til þess að flutningskostnaður leggst ekki ofan á vöruverðið á höfuðborgarsvæðinu í sama mæli og þegar er farið út um land. Verðlagsstofnun bendir líka á að miklu minni verðbólga á síðustu missirum hafi leitt í ljós aukinn verðmun á milli landsbyggðar og höfuðborgarsvæðis, en skýringin á því er auðvitað sú að veltuhraði vörubirgða úti um land er mun minni en á höfuðborgarsvæðinu. Af þeirri ástæðu er gjarnan eldra verð í birgðunum úti á landi. Þegar verðbreytingar voru miklar, verðbólga ör, var verð á eldri birgðum lægra en verð á nýjum vörubirgðum. Tregðulögmálið olli því að þetta dró úr hinum almenna verðmun á milli landsbyggðar og höfuðborgarsvæðis sem núna hefur komið betur í ljós við kyrrari kjör. Hins vegar er lítill sem enginn munur á nýjum birgðum og eldri birgðum við núverandi aðstæður vegna þess að verðlag á matvöru hefur lítið sem ekkert hækkað og í sumum tilfellum lækkað núna hin síðustu missiri.
Önnur ástæða fyrir auknum verðmun á milli landsbyggðarinnar og höfuðborgarsvæðisins er m.a., eins og ég hef þegar nefnt, síaukin samkeppni á höfuðborgarsvæðinu sem hefur leitt til aukins afsláttar sem verslanir á því svæði fá frá framleiðendum og heildsölum. Aukin umsvif umboðs- og heildverslana úti um land eru líka að áliti Verðlagsstofnunar ein af ástæðunum fyrir hækkandi vöruverði þar. Þar má t.d. nefna að dreifbýlisverslunum er í mörgum tilfellum meinað að kaupa inn beint frá framleiðendum eða innflytjendum heldur er þeim gert að kaupa af umboðsmanni í héraði. Á þessum aðstæðum fer nú fram athugun og Verðlagsstofnun vinnur að því að kanna hvort óeðlileg mismunun kunni að eiga sér stað í afsláttarkjörum hjá þeim sem versla hjá framleiðendum og heildsölum hér og úti um land. Jafnframt hef ég beðið stofnunina að kanna áhrif umboðsverslunar á landsbyggðinni á vöruverð. Það hafa þegar verið lögð fram gögn í málinu og drög að þessari vinnu og að henni verður áfram unnið og reynt að þrýsta þar á að innkaupsverð til dreifbýlisverslananna verði hagstæðara.
Þá vil ég líka láta það koma fram að viðskrn. hefur látið gera sérstaka úttekt á vandamálum dagvöruverslunarinnar í strjálbýli og byrjað á því að taka fyrir dagvöruverslun á Vestfjörðum en eins og kom fram hjá hv. fyrirspyrjanda þá er verðmunur á höfuðborgarsvæði og Vestfjörðum mestur í samanburði við önnur svæði á landinu. Af þeirri úttekt, sem þegar liggur fyrir, er mjög ljóst að víða eru þarna miklir erfiðleikar að halda uppi þessari nauðsynlegu þjónustu og þrátt fyrir hærra vöruverð en í stórmörkuðum höfuðborgarsvæðisins á verslunin á Vestfjörðum við mikla fjárhagserfiðleika að stríða. Ég ráðgeri á næstunni sérstakan fund viðskrn. með verslunareigendum, fulltrúum sveitarstjórna og fleiri aðilum í því skyni að leita lausnar á þessum vanda, sérstaklega fyrir Vestfirði. Þess er vænst að við finnum þar einhverjar þær lausnir sem einnig gætu átt við í öðrum landshlutum. Einkum er ég þar með í huga ráðgjöf, samstarf um innkaup og fleira af því tagi en ráðuneytið hyggst síðar gera sams konar úttekt á dagvöruverslun á öðrum landsvæðum.
Ég vona, virðulegi forseti, að þetta svari a.m.k. að nokkru þeirri spurningu sem hér var fram borin.
Hæstv. forsti. Eins og kom fram hjá hv. fyrirspyrjanda, 5. þm. Austurl., hefur komið í ljós í víðtækum verðkönnunum sem Verðlagsstofnun hefur gert, einkum í matvöruverslun á síðustu árum, að verðmunur milli höfuðborgarsvæðisins og landsbyggðarinnar í þessari verslunargrein hefur farið nokkuð vaxandi. Þar má nefna að meðaltölurnar í þessu, sem ég er sammála hv. fyrirspyrjanda að segi ekki alla sögu, voru þær að þessi verðmunur var í október 1989 3,8% en 4,9% í október 1991. Hverjar skyldu vera skýringarnar á þessu? Þær eru að sumu leyti augljósar. Samkeppni á milli verslana á höfuðborgarsvæðinu er mun meiri en víðast utan þess og hún hefur leitt til hlutfallslegrar lækkunar á verðlagi í Reykjavík og nágrannabyggðum. Ég leyfi mér að halda því fram að á undanförnum árum hafi þessar breytingar fyrst og fremst verið þannig að aukin samkeppni hafi lækkað verð á þéttbýlisstöðunum.
Stærð markaðarins á höfuðborgarsvæðinu og nálægð verslana þar við þorra innflytjenda og innlenda framleiðendur leiðir líka til þess að flutningskostnaður leggst ekki ofan á vöruverðið á höfuðborgarsvæðinu í sama mæli og þegar er farið út um land. Verðlagsstofnun bendir líka á að miklu minni verðbólga á síðustu missirum hafi leitt í ljós aukinn verðmun á milli landsbyggðar og höfuðborgarsvæðis, en skýringin á því er auðvitað sú að veltuhraði vörubirgða úti um land er mun minni en á höfuðborgarsvæðinu. Af þeirri ástæðu er gjarnan eldra verð í birgðunum úti á landi. Þegar verðbreytingar voru miklar, verðbólga ör, var verð á eldri birgðum lægra en verð á nýjum vörubirgðum. Tregðulögmálið olli því að þetta dró úr hinum almenna verðmun á milli landsbyggðar og höfuðborgarsvæðis sem núna hefur komið betur í ljós við kyrrari kjör. Hins vegar er lítill sem enginn munur á nýjum birgðum og eldri birgðum við núverandi aðstæður vegna þess að verðlag á matvöru hefur lítið sem ekkert hækkað og í sumum tilfellum lækkað núna hin síðustu missiri.
Önnur ástæða fyrir auknum verðmun á milli landsbyggðarinnar og höfuðborgarsvæðisins er m.a., eins og ég hef þegar nefnt, síaukin samkeppni á höfuðborgarsvæðinu sem hefur leitt til aukins afsláttar sem verslanir á því svæði fá frá framleiðendum og heildsölum. Aukin umsvif umboðs- og heildverslana úti um land eru líka að áliti Verðlagsstofnunar ein af ástæðunum fyrir hækkandi vöruverði þar. Þar má t.d. nefna að dreifbýlisverslunum er í mörgum tilfellum meinað að kaupa inn beint frá framleiðendum eða innflytjendum heldur er þeim gert að kaupa af umboðsmanni í héraði. Á þessum aðstæðum fer nú fram athugun og Verðlagsstofnun vinnur að því að kanna hvort óeðlileg mismunun kunni að eiga sér stað í afsláttarkjörum hjá þeim sem versla hjá framleiðendum og heildsölum hér og úti um land. Jafnframt hef ég beðið stofnunina að kanna áhrif umboðsverslunar á landsbyggðinni á vöruverð. Það hafa þegar verið lögð fram gögn í málinu og drög að þessari vinnu og að henni verður áfram unnið og reynt að þrýsta þar á að innkaupsverð til dreifbýlisverslananna verði hagstæðara.
Þá vil ég líka láta það koma fram að viðskrn. hefur látið gera sérstaka úttekt á vandamálum dagvöruverslunarinnar í strjálbýli og byrjað á því að taka fyrir dagvöruverslun á Vestfjörðum en eins og kom fram hjá hv. fyrirspyrjanda þá er verðmunur á höfuðborgarsvæði og Vestfjörðum mestur í samanburði við önnur svæði á landinu. Af þeirri úttekt, sem þegar liggur fyrir, er mjög ljóst að víða eru þarna miklir erfiðleikar að halda uppi þessari nauðsynlegu þjónustu og þrátt fyrir hærra vöruverð en í stórmörkuðum höfuðborgarsvæðisins á verslunin á Vestfjörðum við mikla fjárhagserfiðleika að stríða. Ég ráðgeri á næstunni sérstakan fund viðskrn. með verslunareigendum, fulltrúum sveitarstjórna og fleiri aðilum í því skyni að leita lausnar á þessum vanda, sérstaklega fyrir Vestfirði. Þess er vænst að við finnum þar einhverjar þær lausnir sem einnig gætu átt við í öðrum landshlutum. Einkum er ég þar með í huga ráðgjöf, samstarf um innkaup og fleira af því tagi en ráðuneytið hyggst síðar gera sams konar úttekt á dagvöruverslun á öðrum landsvæðum.
Ég vona, virðulegi forseti, að þetta svari a.m.k. að nokkru þeirri spurningu sem hér var fram borin.