Magnús Jónsson
:
Virðulegi forseti. Mig langar að vekja athygli hv. Alþingis á litlu máli, fjárhagslega litlu máli en kannski nokkuð stóru öryggis- og nýtingarmáli varðandi flugvelli, en það varðar raunar Reykjavíkurflugvöll. Sú stofnun sem ég vinn venjulega á hefur barist fyrir því alllengi að bætt yrði úr en ekki tekist enn þá og eins og ég sagði varðar öryggismál og nýtingarmál hér í Reykjavík.
Ég hugsa að þó að flestir hér inni noti Reykjavíkurflugvöll alloft þá viti menn það ekki að þar eru ekki nauðsynleg öryggis- og veðurathugunartæki eins og tíðkast á alvöruflugvöllum, bæði raunar erlendis og í Keflavík. Á Reykjavíkurflugvelli er enginn skýjahæðarmælir sem gerir það að verkum að það verður að áætla skýjahæð. Þótt ég sé kannski í hópi þeirra manna sem gætu talist allgóðir skýjaglópar til þess þá er það engu að síður staðreynd að mælitæki eru nú orðið yfirleitt notuð til þess að finna út hver skýjahæð er. Þar sem skýjahæð er einn þeirra þátta sem ræður því hvort flugvöllur er talinn fær eða ófær, þá er þetta eins og ég sagði áðan bæði spurning um öryggi og nýtingu. Í annan stað er ekki heldur neinn skyggnismælir á Reykjavíkurflugvelli, þ.e. mælir sem getur mælt skyggni þegar það er orðið lélegt, svokallað brautarskyggni, en það eru mælar sem eru líka á öllum alvöruflugvöllum.
Ástæðan fyrir því að ég geri þetta að umræðuefni nú, fyrir utan að þetta er sjálfsagt öryggismál, er sú að í áætlun fyrir Egilsstaðaflugvöll á næsta ári er gert ráð fyrir að þessi tæki séu keypt. Eins og menn sjá ef þeir líta í tillögu um flugáætlun, þá er þetta tæki sem samtals er gert ráð fyrir að kosti 3,7 millj., þannig að hér er ekki um stóra upphæð að ræða.
Ég ætla ekki að hafa um þetta langt mál en vildi fyrst og fremst vekja athygli samgrh. og samgn. á því að ég teldi það eðlilegri forgangsröð að flugvöllur sem yfir 300 þús. manns fara um árlega kæmi a.m.k. ekki á eftir flugvelli sem flytur 50 þús. farþega á ári.
Virðulegi forseti. Mig langar að vekja athygli hv. Alþingis á litlu máli, fjárhagslega litlu máli en kannski nokkuð stóru öryggis- og nýtingarmáli varðandi flugvelli, en það varðar raunar Reykjavíkurflugvöll. Sú stofnun sem ég vinn venjulega á hefur barist fyrir því alllengi að bætt yrði úr en ekki tekist enn þá og eins og ég sagði varðar öryggismál og nýtingarmál hér í Reykjavík.
Ég hugsa að þó að flestir hér inni noti Reykjavíkurflugvöll alloft þá viti menn það ekki að þar eru ekki nauðsynleg öryggis- og veðurathugunartæki eins og tíðkast á alvöruflugvöllum, bæði raunar erlendis og í Keflavík. Á Reykjavíkurflugvelli er enginn skýjahæðarmælir sem gerir það að verkum að það verður að áætla skýjahæð. Þótt ég sé kannski í hópi þeirra manna sem gætu talist allgóðir skýjaglópar til þess þá er það engu að síður staðreynd að mælitæki eru nú orðið yfirleitt notuð til þess að finna út hver skýjahæð er. Þar sem skýjahæð er einn þeirra þátta sem ræður því hvort flugvöllur er talinn fær eða ófær, þá er þetta eins og ég sagði áðan bæði spurning um öryggi og nýtingu. Í annan stað er ekki heldur neinn skyggnismælir á Reykjavíkurflugvelli, þ.e. mælir sem getur mælt skyggni þegar það er orðið lélegt, svokallað brautarskyggni, en það eru mælar sem eru líka á öllum alvöruflugvöllum.
Ástæðan fyrir því að ég geri þetta að umræðuefni nú, fyrir utan að þetta er sjálfsagt öryggismál, er sú að í áætlun fyrir Egilsstaðaflugvöll á næsta ári er gert ráð fyrir að þessi tæki séu keypt. Eins og menn sjá ef þeir líta í tillögu um flugáætlun, þá er þetta tæki sem samtals er gert ráð fyrir að kosti 3,7 millj., þannig að hér er ekki um stóra upphæð að ræða.
Ég ætla ekki að hafa um þetta langt mál en vildi fyrst og fremst vekja athygli samgrh. og samgn. á því að ég teldi það eðlilegri forgangsröð að flugvöllur sem yfir 300 þús. manns fara um árlega kæmi a.m.k. ekki á eftir flugvelli sem flytur 50 þús. farþega á ári.