Þuríður Backman
(andsvar)
:
Virðulegi forseti. Mér heyrðist hv. 5. þm. Austurl. ekki vera að tala fyrir þáltill. heldur reyna að draga úr málinu og standa í raun og veru í vegi fyrir því að farið sé í þetta átak. Með því að blanda þessu átaki saman við framkvæmdir í almennri vegagerð á landinu er verið að drepa málið niður. Hann hefði frekar átt að mótmæla niðurskurði á fé til vegaframkvæmda og standa þannig að því máli sem hann var að tala hér fyrir áðan.
