Landbúnaðarráðherra (Halldór Blöndal)
:
Hæstv. forseti. Fjarskiptaeftirlitið var stofnað til að skilja að rekstur fjarskiptavirkja, t.d. símaþjónustu, og eftirlit með slíkri þjónustu, þar á meðal leyfisveitingar, prófanir og viðurkenningar á fjarskiptabúnaði. Stofnun eftirlitsins er í samræmi við þá stefnu sem mótuð hefur verið í Evrópu og víðar og er slíkt eftirlit í flestum ef ekki öllum Evrópulöndum. Fjarskiptaeftirlitið heyrir enn formlega undir Póst- og símamálastjóra en við endurskoðun fjarskiptalaga verður það væntanlega gert að sjálfstæðri stofnun.
Spurt er hvað ráðgert sé að margir starfsmenn vinni við Fjarskiptaeftirlitið. Svarið er: Um það bil 15. Áætlaður rekstrarkostnaður er um 60 millj. í ár. Erfitt er að segja til um rekstrarkostnað næstu ára þar sem starfsemin er enn í mótun og vænta má aukinnar þjónustu í framtíðinni. Kaupendur þjónustunnar, þ.e. innflytjendur munu væntanlega greiða fyrir tegundaprófanir á búnaði og útgerð og flugrekendur fyrir lögbundnar skoðanir í flugvélum og skipum. Hingað til hefur ekki verið greitt fyrir notkun ljósvakans en til álita kemur að taka upp einhvers konar gjaldtöku fyrir slík viðskipti. Samkvæmt ákvörðun stjórnar Fjarskiptaeftirlits var í lok síðasta árs ákveðið að eftirtalin verkefni yrðu falin Fjarskiptaeftirliti þangað til annað yrði ákveðið.
1. Veiting viðurkenningar á þeim fjarskiptabúnaði sem tilheyrir samkeppnissviðinu, þ.e. notendabúnaði, og fluttur er til landsins eða smíðaður innan lands.
2. Prófun á búnaði samkvæmt ósk innflytjenda eða innlendra framleiðenda í þeim tilfellum að ekki liggur fyrir fullnægjandi viðurkenning frá viðurkenndum próunarstofum enda hafi Fjarskiptaeftirlitið aðstöðu til slíkrar prófunar.
3. Leyfisveitingar til einstaklinga og fyrirtækja vegna fjarskiptabúnaðar, sem þessum aðilum er heimilt að starfrækja samkvæmt lögum og veittum undanþágum, svo og notendabúnaðar, þar með taldar talstöðvar og önnur radíótæki.
4. Umsjón með alþjóðasamstarfi um almenn tíðni- og radíóreglugerðarmál og með mögulegri setu á alþjóðatíðniráðstefnum og fundum.
5. Skipulagning á notkun tíðnirófsins á Íslandi í samræmi við alþjóðasamþykktir.
6. Úthlutun einstakra tíðna til notkunar innan íslenskrar lögsögu og í íslenskum farartækjum utan hennar.
7. Samvinna við útvarpsréttarnefnd í samræmi við ákvæði í útvarpslögum.
8. Skylduskoðun á fjarskiptabúnaði t.d. í skipum og flugvélum.
9. Truflanaleit.
10. Eftirlit með því að notkun fjarskiptabúnaðar sé í samræmi við ákvæði leyfisbréfa.
11. Mælingar á sviðsstyrk og öðrum eiginleikum fjarskiptasendinga sem á þarf að halda vegna skipulags fjarskiptamála, truflanaleitar eða eftirlits.
12. Afgreiðsla staðlamála frá ETSI þegar um er að ræða notendabúnað og samstarf við fjarskiptasviðið um staðlamál hins almenna fjarskiptakerfis.
Ég vona að hv. fyrirspyrjandi sé nokkru nær um þessi efni. Ég vil taka fram að þessi verk hafa áður verið unnin af Pósti og síma þannig að hér er ekki um ný útgjöld að ræða þó að ég þori ekki að fortaka að það kunni að vera eitthvað dýrara að setja á fót nýja stofnun. Það hefur löngum verið svo.
Hæstv. forseti. Fjarskiptaeftirlitið var stofnað til að skilja að rekstur fjarskiptavirkja, t.d. símaþjónustu, og eftirlit með slíkri þjónustu, þar á meðal leyfisveitingar, prófanir og viðurkenningar á fjarskiptabúnaði. Stofnun eftirlitsins er í samræmi við þá stefnu sem mótuð hefur verið í Evrópu og víðar og er slíkt eftirlit í flestum ef ekki öllum Evrópulöndum. Fjarskiptaeftirlitið heyrir enn formlega undir Póst- og símamálastjóra en við endurskoðun fjarskiptalaga verður það væntanlega gert að sjálfstæðri stofnun.
Spurt er hvað ráðgert sé að margir starfsmenn vinni við Fjarskiptaeftirlitið. Svarið er: Um það bil 15. Áætlaður rekstrarkostnaður er um 60 millj. í ár. Erfitt er að segja til um rekstrarkostnað næstu ára þar sem starfsemin er enn í mótun og vænta má aukinnar þjónustu í framtíðinni. Kaupendur þjónustunnar, þ.e. innflytjendur munu væntanlega greiða fyrir tegundaprófanir á búnaði og útgerð og flugrekendur fyrir lögbundnar skoðanir í flugvélum og skipum. Hingað til hefur ekki verið greitt fyrir notkun ljósvakans en til álita kemur að taka upp einhvers konar gjaldtöku fyrir slík viðskipti. Samkvæmt ákvörðun stjórnar Fjarskiptaeftirlits var í lok síðasta árs ákveðið að eftirtalin verkefni yrðu falin Fjarskiptaeftirliti þangað til annað yrði ákveðið.
1. Veiting viðurkenningar á þeim fjarskiptabúnaði sem tilheyrir samkeppnissviðinu, þ.e. notendabúnaði, og fluttur er til landsins eða smíðaður innan lands.
2. Prófun á búnaði samkvæmt ósk innflytjenda eða innlendra framleiðenda í þeim tilfellum að ekki liggur fyrir fullnægjandi viðurkenning frá viðurkenndum próunarstofum enda hafi Fjarskiptaeftirlitið aðstöðu til slíkrar prófunar.
3. Leyfisveitingar til einstaklinga og fyrirtækja vegna fjarskiptabúnaðar, sem þessum aðilum er heimilt að starfrækja samkvæmt lögum og veittum undanþágum, svo og notendabúnaðar, þar með taldar talstöðvar og önnur radíótæki.
4. Umsjón með alþjóðasamstarfi um almenn tíðni- og radíóreglugerðarmál og með mögulegri setu á alþjóðatíðniráðstefnum og fundum.
5. Skipulagning á notkun tíðnirófsins á Íslandi í samræmi við alþjóðasamþykktir.
6. Úthlutun einstakra tíðna til notkunar innan íslenskrar lögsögu og í íslenskum farartækjum utan hennar.
7. Samvinna við útvarpsréttarnefnd í samræmi við ákvæði í útvarpslögum.
8. Skylduskoðun á fjarskiptabúnaði t.d. í skipum og flugvélum.
9. Truflanaleit.
10. Eftirlit með því að notkun fjarskiptabúnaðar sé í samræmi við ákvæði leyfisbréfa.
11. Mælingar á sviðsstyrk og öðrum eiginleikum fjarskiptasendinga sem á þarf að halda vegna skipulags fjarskiptamála, truflanaleitar eða eftirlits.
12. Afgreiðsla staðlamála frá ETSI þegar um er að ræða notendabúnað og samstarf við fjarskiptasviðið um staðlamál hins almenna fjarskiptakerfis.
Ég vona að hv. fyrirspyrjandi sé nokkru nær um þessi efni. Ég vil taka fram að þessi verk hafa áður verið unnin af Pósti og síma þannig að hér er ekki um ný útgjöld að ræða þó að ég þori ekki að fortaka að það kunni að vera eitthvað dýrara að setja á fót nýja stofnun. Það hefur löngum verið svo.