Halldór Ásgrímsson
:
Virðulegur forseti. Ég skal vera mjög fljótur. Ég óska eftir því að það verði upplýst, annaðhvort í þessari umræðu eða fyrir þingnefnd, hvort sem það er fyrir hv. landbn. eða hv. utanrmn., með hvaða hætti þessum skilningi ríkisstjórnarinnar hefur verið komið á framfæri. Það hlýtur að hafa verið gert annaðhvort með sérstakri bókun eða sérstöku bréfi. Ég trúi því ekki að fyrirvara eða bókun í svo mikilvægu máli sem þessu hafi verið komið á framfæri með almennum orðum. Því hlýt ég að óska þess í framhaldi af yfirlýsingu hæstv. viðskrh. að það verði upplýst hér hvernig það hefur verið gert og hvert orðalagið er.
