Forseti (Sturla Böðvarsson)
:
Forseta er ljóst að það er ekki létt verk fyrir formenn nefnda þingsins að skipuleggja nefndastarfið svo mikið sem álagið er á þeim. En forseti er að sjálfsögðu tilbúinn til að greiða fyrir, eins og vera ber og hægt er, því að hér sé sem best skipulag á nefndastörfum og að nefndir starfi sem best að þeim mikilvægu málum sem unnið er í þinginu.
