Ingibjörg Pálmadóttir
(um atkvæðagreiðslu)
:
Virðulegi forseti. Ég fagna því sérstaklega að það er greinilegt að þessi tillaga mín á hér meiri hluta og ég býst ekki við því að það breytist þó við endurtækjum atkvæðagreiðslu. En ég ætla að skýra í hverju þessi tillaga felst. Hún felst í því fyrst og fremst að það er hægt að gera samning við sjálfseignarstofnanir eins og sveitarfélög, Sólheima í Grímsnesi t.d. og við erum með því að viðurkenna blönduð úrræði með því að samþykkja þessa tillögu.
