Kosning tveggja aðalmanna í útvarpsráð í stað Ingu Jónu Þórðardóttur viðskiptafræðings og Magnúsar Erlendssonar fulltrúa og eins varamanns í stað Friðriks Friðrikssonar framkvæmdastjóra, til fyrsta þings eftir næstu almennar alþingiskosningar

     Landbúnaðarráðherra (Halldór Blöndal) (um atkvæðagreiðslu) :
    Hæstv. forseti. Það hefur orðið að samkomulagi þó svo kosning í útvarpsráð fari fram nú að þegar menntmrh. kemur heim verði umræða hér utan dagskrár um málefni Ríkisútvarpsins. Ég tel rétt að þetta komi fram við þessa atkvæðagreiðslu, hæstv. forseti.