Kristinn H. Gunnarsson
(andsvar)
:
Virðulegi forseti. Ég sannfærðist um það undir þessari ræðu að það er full þörf á því að hæstv. sjútvrh. fái sér góða menn til að kenna sér betur sjávarútvegsfræðin. Ég bendi honum t.d. á hv. 3. þm. Vestf. sem flutti hér ágæta ræðu og gæti frætt hann um ýmislegt. Það ætti að vera hæstv. sjútvrh. fullkomlega ljóst að þegar búið er að halda genginu föstu í langan tíma verður ekki við þær aðstæður málunum bjargað með stórfelldri gengisfellingu, 20--30% gengisfellingu, það er ekki lausnin við þær aðstæður. Menn eiga að hafa þá efnahagsstjórn að koma í veg fyrir slíkar stíflur.
Ég var að vísa til þess í minni ræðu að stuðningur við gengisfellingu af því tagi sem þá var uppi á borði hjá hæstv. núv. sjútvrh. var enginn.
