Forseti (Salome Þorkelsdóttir)
:
Borist hefur eftirfarandi bréf, dags. 21. okt. 1991:
,,Þar sem Sólveig Pétursdóttir, 6. þm. Reykv., er á förum til útlanda í opinberum erindum og getur því ekki sótt þingfundi næstu tvær vikur, leyfi ég mér að beiðni hennar með vísun til 2. mgr. 53. gr. laga nr. 55/1991, um þingsköp Alþingis, að óska eftir því að 1. varamaður Sjálfstfl. í Reykjavík, Þuríður Pálsdóttir yfirkennari, taki sæti á Alþingi í fjarveru hennar.
Þetta er yður hér með tilkynnt, virðulegi forseti.``
Undir þetta bréf ritar formaður þingflokks Sjálfstfl., Geir H. Haarde.
Þuríður Pálsdóttir hefur áður tekið sæti á Alþingi og er nú boðin velkomin til starfa á ný.
