Fyrirspyrjandi (Ragnar Arnalds)
:
Virðulegi forseti. Ég spurði á sínum tíma hvort ekki væri hyggilegt að leyfa nú þegar loðnuveiðar upp að vissu marki til bráðabirgða. Ráðherrann hefur svarað þeirri spurningu í verki og þurfum við því ekki nánar að fjalla um hana.
Önnur spurning var hver væri þjóðhagslegur ávinningur af því ef loðnuveiðar færu alfarið fram á þeim tíma þegar fiskurinn er feitastur og verðmestur í stað þess að láta veiðarnar tefjast svo ár eftir ár að stór hluti loðnuaflans er tekinn úr sjó þegar loðnan gefur minnst af sér.
Bak við þessa spurningu má segja að sé tvenns konar hugsun. Annars vegar hvort ekki væri rétt að gefa út bráðabirgðakvóta í byrjun kvótaárs. Veiðarnar mundu þá byrja þegar loðnan fyndist. Ég held að þetta hlyti að auðvelda loðnurannsóknir en hugsanlega þyrfti eitthvað að auka fjárveitingar til Hafrannsóknastofnunar þess vegna. En síðan er spurningin um þjóðhagslegu hliðina. Við vitum það að loðnan er feitust í ágúst til nóvember en aftur á móti er fitan farin úr henni í febrúar/mars. Það er kannski ekki raunhæft að hún sé öll veidd á þessum besta tíma því oft er loðnan blönduð, eins árs loðnan vill vera saman við. Það er kannski ekki að öllu leyti hagstætt en samt er spurt hvernig það reikningsdæmi kæmi út. Ef þetta væri hægt og talið æskilegt hver væri þá þjóðhagslegur ávinningur af þessu? Í þessu felst að sjálfsögðu einnig sú spurning hvort þetta væri ekki æskileg stefna, að miða við það að reyna að veiða loðnuna þegar hún gefur mest af sér fyrir þjóðarbúið.
Virðulegi forseti. Ég spurði á sínum tíma hvort ekki væri hyggilegt að leyfa nú þegar loðnuveiðar upp að vissu marki til bráðabirgða. Ráðherrann hefur svarað þeirri spurningu í verki og þurfum við því ekki nánar að fjalla um hana.
Önnur spurning var hver væri þjóðhagslegur ávinningur af því ef loðnuveiðar færu alfarið fram á þeim tíma þegar fiskurinn er feitastur og verðmestur í stað þess að láta veiðarnar tefjast svo ár eftir ár að stór hluti loðnuaflans er tekinn úr sjó þegar loðnan gefur minnst af sér.
Bak við þessa spurningu má segja að sé tvenns konar hugsun. Annars vegar hvort ekki væri rétt að gefa út bráðabirgðakvóta í byrjun kvótaárs. Veiðarnar mundu þá byrja þegar loðnan fyndist. Ég held að þetta hlyti að auðvelda loðnurannsóknir en hugsanlega þyrfti eitthvað að auka fjárveitingar til Hafrannsóknastofnunar þess vegna. En síðan er spurningin um þjóðhagslegu hliðina. Við vitum það að loðnan er feitust í ágúst til nóvember en aftur á móti er fitan farin úr henni í febrúar/mars. Það er kannski ekki raunhæft að hún sé öll veidd á þessum besta tíma því oft er loðnan blönduð, eins árs loðnan vill vera saman við. Það er kannski ekki að öllu leyti hagstætt en samt er spurt hvernig það reikningsdæmi kæmi út. Ef þetta væri hægt og talið æskilegt hver væri þá þjóðhagslegur ávinningur af þessu? Í þessu felst að sjálfsögðu einnig sú spurning hvort þetta væri ekki æskileg stefna, að miða við það að reyna að veiða loðnuna þegar hún gefur mest af sér fyrir þjóðarbúið.