Jón Helgason
(andsvar)
:
Hæstv. forseti. Ég skildi ekki alveg hugrenningar hæstv. forsrh. um mismunandi viðhorf okkar til handleiðslu og handafls en að sjálfsögðu legg ég áherslu á að reynt sé að nota handleiðslu þegar það er hægt.
Hins vegar var það sem ég benti á að handleiðsla sem hæstv. forsrh. segist hafa notað á vextina bar þennan árangur sem ég rakti. Í maí áttu þeir að fara lækkandi þegar kæmi fram í ágúst, í ágúst voru raunvextir á óverðtryggð lán komnir upp í 12%. Þá sagði hæstv. forsrh. enn: Þeir fara að lækka. Hann ætlaði að gera það með handleiðslu. En handleiðsla hans leiddi til þess að þeir eru 14% núna í desember. Slíka handleiðslu tel ég ekki góða. Og ég held að hæstv. forsrh. hefði þurft að læra handleiðslu betur heldur en í sínum útkastarahúsum sem hann var að tala um.
Hæstv. forsrh. segist ekki heldur skilja sambandið milli spurninga minna og afleiðinga af útgáfu reglugerðarinnar. Það kom fram í máli hæstv. heilbrrh. að hækkunaráhrif hennar á vísitölu væru 0,2--0,3%. Veit hæstv. forsrh. ekki að það er beint samband við framfærsluvísitölu og hækkun á verðtryggðum lánum? Heldur hæstv. forsrh. ekki að þessi hækkun á framfærsluvísitölunni muni hafa áhrif á kjarasamninga nú þegar þeir eru lausir? Það er mikil bjartsýni að halda að það hafi engin áhrif.
Hæstv. forseti. Ég skildi ekki alveg hugrenningar hæstv. forsrh. um mismunandi viðhorf okkar til handleiðslu og handafls en að sjálfsögðu legg ég áherslu á að reynt sé að nota handleiðslu þegar það er hægt.
Hins vegar var það sem ég benti á að handleiðsla sem hæstv. forsrh. segist hafa notað á vextina bar þennan árangur sem ég rakti. Í maí áttu þeir að fara lækkandi þegar kæmi fram í ágúst, í ágúst voru raunvextir á óverðtryggð lán komnir upp í 12%. Þá sagði hæstv. forsrh. enn: Þeir fara að lækka. Hann ætlaði að gera það með handleiðslu. En handleiðsla hans leiddi til þess að þeir eru 14% núna í desember. Slíka handleiðslu tel ég ekki góða. Og ég held að hæstv. forsrh. hefði þurft að læra handleiðslu betur heldur en í sínum útkastarahúsum sem hann var að tala um.
Hæstv. forsrh. segist ekki heldur skilja sambandið milli spurninga minna og afleiðinga af útgáfu reglugerðarinnar. Það kom fram í máli hæstv. heilbrrh. að hækkunaráhrif hennar á vísitölu væru 0,2--0,3%. Veit hæstv. forsrh. ekki að það er beint samband við framfærsluvísitölu og hækkun á verðtryggðum lánum? Heldur hæstv. forsrh. ekki að þessi hækkun á framfærsluvísitölunni muni hafa áhrif á kjarasamninga nú þegar þeir eru lausir? Það er mikil bjartsýni að halda að það hafi engin áhrif.