Jóhannes Geir Sigurgeirsson
(andsvar)
:
Virðulegi forseti. Hæstv. viðskrh. ítrekaði að hann hefði svarað mér áðan. Hann gerði það að vísu í mjög fáum orðum en þau orð var þó ekki hægt að skilja á annan hátt en þann að þær yfirlýsingar sem aðrir hæstv. ráðherrar hafa gefið um þátt sölu ríkisfyrirtækja, sérstaklega Búnaðarbankans, í lausn efnahagsvandans og ríkisfjármála, nú strax eftir áramótin, hafi verið ótímabærar og ekki átt sér efnahagsleg rök. Öðruvísi er ekki hægt að skilja svar hæstv. viðskrh.
