Eyjólfur Konráð Jónsson
(um atkvæðagreiðslu)
:
Hæstv. forseti. Við umræðu málsins gat ég þess að álitamál gæti verið hvort það ætti að ganga til hv. utanrmn. eða sjútvn. Lögin sem um er fjallað, lög nr. 33/1922, voru og eru meðal merkustu löggjafar landsins, en þau voru sett til að torvelda sem mest ágang útlendinga á íslenskum fiskimiðum. Á lögunum hafa Íslendingar síðan byggt landhelgissigra sína. Um lögin var fyrir 70 árum og lengi eftir það fjallað í sjávarútvegsnefndum Alþingis, enda var utanrmn. ekki komin á laggirnar fyrr en árið 1928. Störf nefndanna hafa síðan samtvinnast á margan veg og hefur farið vel á því.
Um þetta hef ég rætt við hæstv. sjútvrh., frsm., og hv. þm. Matthías Bjarnason, formann sjútvn. Erum við ásáttir um að vel fari á því að halda góðum sið og fjalla um málið í báðum nefndum. Í þessu ljósi greiði ég því atkvæði að málinu verði vísað til hv. sjútvn. enda æskilegast og raunar sjálfsagt að svo þýðingarmikið mál sem varðar í senn mikilvægasta atvinnuveg þjóðarinnar og utanríkismál gangi til beggja nefndanna og hljóti þar ítarlega umfjöllun.
Hæstv. forseti. Við umræðu málsins gat ég þess að álitamál gæti verið hvort það ætti að ganga til hv. utanrmn. eða sjútvn. Lögin sem um er fjallað, lög nr. 33/1922, voru og eru meðal merkustu löggjafar landsins, en þau voru sett til að torvelda sem mest ágang útlendinga á íslenskum fiskimiðum. Á lögunum hafa Íslendingar síðan byggt landhelgissigra sína. Um lögin var fyrir 70 árum og lengi eftir það fjallað í sjávarútvegsnefndum Alþingis, enda var utanrmn. ekki komin á laggirnar fyrr en árið 1928. Störf nefndanna hafa síðan samtvinnast á margan veg og hefur farið vel á því.
Um þetta hef ég rætt við hæstv. sjútvrh., frsm., og hv. þm. Matthías Bjarnason, formann sjútvn. Erum við ásáttir um að vel fari á því að halda góðum sið og fjalla um málið í báðum nefndum. Í þessu ljósi greiði ég því atkvæði að málinu verði vísað til hv. sjútvn. enda æskilegast og raunar sjálfsagt að svo þýðingarmikið mál sem varðar í senn mikilvægasta atvinnuveg þjóðarinnar og utanríkismál gangi til beggja nefndanna og hljóti þar ítarlega umfjöllun.