Ferill 346. máls. Aðrar útgáfur af skjalinu: Word Perfect.
1991–92. – 1061 ár frá stofnun Alþingis.
115. löggjafarþing. – 346 . mál.
654. Svar
heilbrigðis- og tryggingamálaráðherra við fyrirspurn Hrafnkels A. Jónssonar um ferða- og uppihaldskostnað landsbyggðarfólks vegna glasafrjóvgunar.
Fyrirspurnin hljóðar svo:
Mun ráðherra beita sér fyrir því að Tryggingastofnun ríkisins greiði að hluta eða öllu leyti ferða- og uppihaldskostnað þeirra sem leita til sérfræðings í Reykjavík vegna glasafrjóvgunar eftir sömu reglum og gilda um endurgreiðslu ferðakostnaðar vegna sjúkdóma?
Allar greiðslur vegna ferðakostnaðar hjá Tryggingastofnun ríkisins verða að vera óbreyttar á þessu ári þar sem ekki er gert ráð fyrir því í áætlunum sjúkratryggingadeildar að kostnaðaraukning verði vegna ferða.
Miðað við ákvarðanir ríkisstjórnarinnar um gerð fjárlagafrumvarps fyrir árið 1993 er ekki hægt að gera ráð fyrir breytingu að þessu leyti á næsta ári.
