Forseti (Valgerður Sverrisdóttir)
:
Borist hefur eftirfarandi bréf:
,,Þar sem menntamrh. Ólafur G. Einarsson, 1. þm. Sjálfstfl. í Reykjaneskjördæmi, er erlendis í opinberum erindum og getur því ekki sótt þingfundi á næstunni leyfi ég mér með tilvísan til 2. mgr. 3. gr. laga um þingsköp Alþingis að óska þess að 1. varaþingmaður Sjálfstfl. í Reykjaneskjördæmi, María E. Ingvadóttir viðskiptafræðingur, taki sæti á Alþingi í fjarveru hans. Þetta er yður hér með tilkynnt, virðulegur forseti.``
Undir þetta bréf ritar Geir H. Haarde, formaður þingflokks Sjálfstfl.
María E. Ingvadóttir hefur áður tekið sæti á Alþingi og er hún boðin velkomin til starfa.
