Rannveig Guðmundsdóttir
:
Hæstv. forseti. Öflugt atvinnulíf er forsenda raunverulegs sjálfstæðis og sjálfstæði er undirstaða alls þess sem þjóð okkar stendur fyrir. Það er skoðun allra þeirra er styðja þennan samning, þar á meðal forustumanna í okkar atvinnulífi, að hann sé mjög mikilvægur fyrir okkar atvinnu- og efnahagslíf. Þess vegna treystir aðildin að Evrópska efnahagssvæðinu stöðu okkar og sjálfstæði. Við höldum að sjálfsögðu fullu forræði í okkar málum og engar nýjar reglur né breytingar á EES-reglum sem varða íslensk lög geta tekið gildi án samþykkis Alþingis. Þessi samningur er mikilvægur fyrir konur því fjölbreytt atvinnulíf styrkir stöðu þeirra og jafnrétti. Ég vísa í mikilvægar reglur samningsins um að hægt sé að lýsa dauð og ómerk ákvæði í kjarasamningum sem brjóta í bága við grundvallarregluna um jöfn laun og vernd fyrir því að vera sagt upp starfi þegar höfðað er mál vegna brots á jafnréttislögum.
Virðulegi forseti. Aðild að Evrópska efnahagssvæðinu er leið okkar inn á Evrópumarkað án skuldbindinganna sem fylgja Evrópubandalaginu. Við höfum aldrei fylgt einangrunarstefnu, miklu fremur verið fámenn þjóð með mikil áhrif. Þannig munum við áfram stefna til framtíðar á jafnréttisgrundvelli í samfélagi þjóðanna. Ég segi já.
Hæstv. forseti. Öflugt atvinnulíf er forsenda raunverulegs sjálfstæðis og sjálfstæði er undirstaða alls þess sem þjóð okkar stendur fyrir. Það er skoðun allra þeirra er styðja þennan samning, þar á meðal forustumanna í okkar atvinnulífi, að hann sé mjög mikilvægur fyrir okkar atvinnu- og efnahagslíf. Þess vegna treystir aðildin að Evrópska efnahagssvæðinu stöðu okkar og sjálfstæði. Við höldum að sjálfsögðu fullu forræði í okkar málum og engar nýjar reglur né breytingar á EES-reglum sem varða íslensk lög geta tekið gildi án samþykkis Alþingis. Þessi samningur er mikilvægur fyrir konur því fjölbreytt atvinnulíf styrkir stöðu þeirra og jafnrétti. Ég vísa í mikilvægar reglur samningsins um að hægt sé að lýsa dauð og ómerk ákvæði í kjarasamningum sem brjóta í bága við grundvallarregluna um jöfn laun og vernd fyrir því að vera sagt upp starfi þegar höfðað er mál vegna brots á jafnréttislögum.
Virðulegi forseti. Aðild að Evrópska efnahagssvæðinu er leið okkar inn á Evrópumarkað án skuldbindinganna sem fylgja Evrópubandalaginu. Við höfum aldrei fylgt einangrunarstefnu, miklu fremur verið fámenn þjóð með mikil áhrif. Þannig munum við áfram stefna til framtíðar á jafnréttisgrundvelli í samfélagi þjóðanna. Ég segi já.