Einar K. Guðfinnsson
:
Virðulegi forseti. Fiskveiðisamningur sá sem við nú greiðum atkvæði um tryggir að við höldum óskoruðum yfirráðarétti yfir auðlindum okkar. Þær umræður sem fram hafa farið á undanförnum dögum hafa leitt ótvírætt í ljós að í raun er ekki pólitískur ágreiningur um að gagnkvæmar veiðiheimildir komi til greina. Þessi samningur felur einmitt í sér gagnkvæmar og jafngildar veiðiheimildir á milli okkar og Evrópubandalagsins.
Þegar samningurinn er metinn er það einmitt meginatriði að það sé gert á grundvelli aðferðar sem notið hefur almennrar viðurkenningar hér á landi. Verðmætastuðlar þeir sem sjútvrn. gefur út í upphafi hvers fiskveiðiárs njóta slíkrar viðurkenningar og því er eðlilegt að leggja þá til grundvallar eins og samningurinn gerir.
Þessi samningur tryggir haldgott eftirlit með veiðunum. Hann leggur EB-þjóðunum þá skyldu á herðar að bera margs konar kostnað við veiðarnar, bæði vegna eftirlitsins svo og vegna þess að reglur um útbúnað veiðarfæra eru í veigamiklum atriðum frábrugðnar þeim sem annars staðar þekkjast. Margt bendir því til þess að veiðar EB-skipa á grundvelli samningsins verði taldar lítt fýsilegar. Með þetta í huga m.a. styð ég þennan samning og segi því já.
Virðulegi forseti. Fiskveiðisamningur sá sem við nú greiðum atkvæði um tryggir að við höldum óskoruðum yfirráðarétti yfir auðlindum okkar. Þær umræður sem fram hafa farið á undanförnum dögum hafa leitt ótvírætt í ljós að í raun er ekki pólitískur ágreiningur um að gagnkvæmar veiðiheimildir komi til greina. Þessi samningur felur einmitt í sér gagnkvæmar og jafngildar veiðiheimildir á milli okkar og Evrópubandalagsins.
Þegar samningurinn er metinn er það einmitt meginatriði að það sé gert á grundvelli aðferðar sem notið hefur almennrar viðurkenningar hér á landi. Verðmætastuðlar þeir sem sjútvrn. gefur út í upphafi hvers fiskveiðiárs njóta slíkrar viðurkenningar og því er eðlilegt að leggja þá til grundvallar eins og samningurinn gerir.
Þessi samningur tryggir haldgott eftirlit með veiðunum. Hann leggur EB-þjóðunum þá skyldu á herðar að bera margs konar kostnað við veiðarnar, bæði vegna eftirlitsins svo og vegna þess að reglur um útbúnað veiðarfæra eru í veigamiklum atriðum frábrugðnar þeim sem annars staðar þekkjast. Margt bendir því til þess að veiðar EB-skipa á grundvelli samningsins verði taldar lítt fýsilegar. Með þetta í huga m.a. styð ég þennan samning og segi því já.