Félagsmálaráðherra (Jóhanna Sigurðardóttir)
(andsvar)
:
Virðulegi forseti. Ég er alveg sannfærð um það og reyndar held ég að fleiri taki undir það sjónarmið að það fyrirkomulag sem á að hafa á kosningum varðandi sameiningu sveitarfélaga mun tefja fyrir stórum sameiningum sveitarfélaga. Ég vil minna á af því að hv. þm. talar um að formaður sveitarfélaganefndarinnar sé ekki sammála minni skoðun í þessu máli að í skýrslu sem var lögð fram um þetta efni, sameiningu sveitarfélaga, í október 1992, var lagt til allt annað kosningafyrirkomulag og ég veit ekki annað en þeir aðilar sem undir skrifuðu, nema þá hv. síðasti ræðumaður, hafi verið sammála um, þ.e. að það ætti að fara fram sameiginleg atkvæðagreiðsla í sveitarfélögunum um kosningafyrirkomulagið. Hér er alveg breytt um. Og ég geri ráð fyrir að ef umræður eru um það núna í sveitarfélaganefndinni að snúa þar frá og fara út í svo þröngt kosningafyrirkomulag þá sé það til að reyna að ná breiðri samstöðu um sameiningu sveitarfélaga á grundvelli ályktunar fulltrúaráðs sveitarfélaganna. Ég er alveg sannfærð um að formaður nefndarinnar er hins vegar í hjarta sínu sammála því að sú leið sem var lögð til í sameiningarnefndinni og ég lýsti hér áðan er sú rétta til að stuðla að frekari sameiningu sveitarfélaga. Maður getur auðvitað spurt hvort lýðræðið snúist ekki upp í andhverfu sína þegar eitt mjög fámennt sveitarfélag getur komið í veg fyrir óskir og vilja margra annarra sveitarfélaga um stóra sameiningu.
Virðulegi forseti. Ég er alveg sannfærð um það og reyndar held ég að fleiri taki undir það sjónarmið að það fyrirkomulag sem á að hafa á kosningum varðandi sameiningu sveitarfélaga mun tefja fyrir stórum sameiningum sveitarfélaga. Ég vil minna á af því að hv. þm. talar um að formaður sveitarfélaganefndarinnar sé ekki sammála minni skoðun í þessu máli að í skýrslu sem var lögð fram um þetta efni, sameiningu sveitarfélaga, í október 1992, var lagt til allt annað kosningafyrirkomulag og ég veit ekki annað en þeir aðilar sem undir skrifuðu, nema þá hv. síðasti ræðumaður, hafi verið sammála um, þ.e. að það ætti að fara fram sameiginleg atkvæðagreiðsla í sveitarfélögunum um kosningafyrirkomulagið. Hér er alveg breytt um. Og ég geri ráð fyrir að ef umræður eru um það núna í sveitarfélaganefndinni að snúa þar frá og fara út í svo þröngt kosningafyrirkomulag þá sé það til að reyna að ná breiðri samstöðu um sameiningu sveitarfélaga á grundvelli ályktunar fulltrúaráðs sveitarfélaganna. Ég er alveg sannfærð um að formaður nefndarinnar er hins vegar í hjarta sínu sammála því að sú leið sem var lögð til í sameiningarnefndinni og ég lýsti hér áðan er sú rétta til að stuðla að frekari sameiningu sveitarfélaga. Maður getur auðvitað spurt hvort lýðræðið snúist ekki upp í andhverfu sína þegar eitt mjög fámennt sveitarfélag getur komið í veg fyrir óskir og vilja margra annarra sveitarfélaga um stóra sameiningu.