Menntamálaráðherra (Ólafur G. Einarsson)
(andsvar)
:
Herra forseti. Ég hef ekki við höndina sundurliðun á sértekjum Tækniskólans en það er alveg ljóst að það sem reiknað kann að hafa verið með í fjárlögum vegna skólagjalda verður ekki innheimt nema þessi heimild fáist. Það liggur alveg ljóst fyrir. Ég hef heldur ekki upplýsingar um framlag ríkisins til Samvinnuháskólans við höndina.
