Heilbrigðisráðherra (Sighvatur Björgvinsson)
(andsvar)
:
Virðulegi forseti. Þær orðréttu tilvitnanir sem ég las úr lögum um ríkisprentsmiðjuna Gutenberg frá þeim tíma þegar hv. þm. Svavar Gestsson var ráðherra standa óbreytt í íslenska lagasafninu. Það hefur enginn aðili fellt þessi ákvæði úr gildi. Hv. þm. gaf fordæmi með samþykki sínu við þessum ákvæðum á meðan hann var ráðherra. Þau ákvæði sem hann greiddi atkvæði eru orðrétt tekin upp í það frv. sem hér er
flutt.
Að sjálfsögðu geri ég ráð fyrir því að hv. þm. Svavar Gestsson, sem er fastheldinn mjög á sín gömlu viðhorf, sé sömu skoðunar árið 1993 og hann var árið 1989.
