Margrét Frímannsdóttir
:
Virðulegi forseti. Ég verð að segja að ég varð dálítið hissa á svörum hæstv. ráðherra vegna þess að ég hélt að hér hefði verið spurt almennt um skuldastöðu heimilanna í landinu en ekki einungis um skuldasöfnun vegna húsnæðiskaupa hvort sem um er að ræða í verkamannakerfinu, félagslega kerfinu eða almenna kerfinu. Skuldastaðan nær langt, langt út fyrir það og hún hefur stórversnað á síðasta ári í tíð þessarar ríkisstjórnar. Það eru afleiðingar þeirra aðgerða sem ríkisstjórnin hefur farið í á síðasta ári. Þrátt fyrir yfirlýsingar hæstv. ráðherra allra að ráðstafanirnar bitni alls ekki á þeim verst settu, þá hefur útkoman orðið sú að fátækt hefur stóraukist hér. Fjöldi þeirra sem eru núna að missa heimili sín, ráða ekki við eðlileg útgjöld heimila í hverjum mánuði, hefur stórvaxið og skólafólk hefur staðfest það, starfsmenn skólanna, að sívaxandi fátækt kemur fram í starfi skólanna. Börnin hafa ekki mat með sér, koma svöng í skólann og þetta er vandamál sem við getum ekki horft fram hjá. Ég vil endilega heyra það frá hæstv. ráðherra hvort hann ætlar ekki að hugsa aðeins til þessa.
Virðulegi forseti. Ég verð að segja að ég varð dálítið hissa á svörum hæstv. ráðherra vegna þess að ég hélt að hér hefði verið spurt almennt um skuldastöðu heimilanna í landinu en ekki einungis um skuldasöfnun vegna húsnæðiskaupa hvort sem um er að ræða í verkamannakerfinu, félagslega kerfinu eða almenna kerfinu. Skuldastaðan nær langt, langt út fyrir það og hún hefur stórversnað á síðasta ári í tíð þessarar ríkisstjórnar. Það eru afleiðingar þeirra aðgerða sem ríkisstjórnin hefur farið í á síðasta ári. Þrátt fyrir yfirlýsingar hæstv. ráðherra allra að ráðstafanirnar bitni alls ekki á þeim verst settu, þá hefur útkoman orðið sú að fátækt hefur stóraukist hér. Fjöldi þeirra sem eru núna að missa heimili sín, ráða ekki við eðlileg útgjöld heimila í hverjum mánuði, hefur stórvaxið og skólafólk hefur staðfest það, starfsmenn skólanna, að sívaxandi fátækt kemur fram í starfi skólanna. Börnin hafa ekki mat með sér, koma svöng í skólann og þetta er vandamál sem við getum ekki horft fram hjá. Ég vil endilega heyra það frá hæstv. ráðherra hvort hann ætlar ekki að hugsa aðeins til þessa.