Kristín Ástgeirsdóttir
(andsvar)
:
Virðulegi forseti. Ég er nú ekki sammála hæstv. viðskrh. um það að atburðarásin í gær sé eitthvert aukaatriði í þessu máli. Það skiptir miklu máli fyrir banka hvernig að svona aðgerðum er staðið og hvort það lítur þannig út út á við að um eitthvert neyðarástand sé að ræða. Það skiptir auðvitað máli bæði fyrir sparifjárfeigendur sem eiga sína peninga í bankanum og fyrir erlenda viðskiptavini og þá sem bankinn á viðskipti við og tekur lán hjá, hvort verið er að skapa óvissu, ,,panik`` eins og ég komst að orði hér áðan, og því er ég alls ekki sammála því að þarna sé um aukaatriði að ræða. Það á eftir að koma í ljós hvort þessi hamagangur í ríkisstjórninni hefur einhverjar alvarlegar afleiðingar fyrir bankann. Ég vona svo sannarlega að svo verði ekki, en hér hefur að mínum dómi verið undarlega að málum staðið.
Virðulegi forseti. Ég er nú ekki sammála hæstv. viðskrh. um það að atburðarásin í gær sé eitthvert aukaatriði í þessu máli. Það skiptir miklu máli fyrir banka hvernig að svona aðgerðum er staðið og hvort það lítur þannig út út á við að um eitthvert neyðarástand sé að ræða. Það skiptir auðvitað máli bæði fyrir sparifjárfeigendur sem eiga sína peninga í bankanum og fyrir erlenda viðskiptavini og þá sem bankinn á viðskipti við og tekur lán hjá, hvort verið er að skapa óvissu, ,,panik`` eins og ég komst að orði hér áðan, og því er ég alls ekki sammála því að þarna sé um aukaatriði að ræða. Það á eftir að koma í ljós hvort þessi hamagangur í ríkisstjórninni hefur einhverjar alvarlegar afleiðingar fyrir bankann. Ég vona svo sannarlega að svo verði ekki, en hér hefur að mínum dómi verið undarlega að málum staðið.