Viðskiptaráðherra (Jón Sigurðsson)
(andsvar)
:
Frú forseti. Ég vildi aðeins benda á að hv. 5. þm. Vestf. hlýtur að hafa mismælt sig eða misskilið eitthvað þegar hann sagði að í þessu efni lægju upplýsingar tala um það að Landsbankinn ætlaði að afskrifa 10,3 milljarða í útlánum á liðnu ári og því sem nú er að líða. Þetta er algerlega fjarstæðukennt og á sér enga stoð í því efni sem hér hefur verið rætt. Ég vildi eingöngu láta þetta koma fram því að ég vil alls ekki skilja það eftir hér í umræðunni að þessari fjárhæð hafi ekki verið mótmælt.
