Frsm. minni hluta sjútvn. (Jóhann Ársælsson):
Virðulegur forseti. Það urðu mér töluverð vonbrigði að ekki skyldi nást samkomulag um þær brtt. sem minni hluti sjútvn. flutti við þetta frv. um Síldarverksmiðjur ríkisins og mér fannst satt að segja furða hvað meiri hlutinn gekk hart fram í málinu að hann skyldi ekki teygja sig til móts við okkur í neinu af þeim atriðum sem við reyndum að koma fram til lagfæringar á frv. Ég vil minna á að m.a. lögðum við til að farið yrði hægt í að selja fyrirtækið og það yrðu sett þar mörk. Menn héldu meirihlutaeign ríkisins á fyrirtækinu um tíma meðan það sæist hvernig til hefði tekist með þessa breytingu. Við lögðum til að Alþingi kysi þessa menn sjálft á meðan meirihlutaeign væri ríkisins. Við lögðum til að það yrði komið á samstarfsnefndum á þeim stöðum þar sem þessar verksmiðjur eru reknar og við lögðum til að menn féllu frá því glapræði að skerða réttindi starfsmannanna. Þessar réttindaskerðingar hafa verið til umfjöllunar hjá lögfræðingum og það eru lögfræðiálit með í þessum plöggum sem menn höfðu til að skoða í sambandi við þetta frv. þar sem það er mjög skýr niðurstaða að þarna væri verið að taka samningsbundin réttindi af mönnum og skaðabótaréttur mundi skapast fyrir utan það sem augljóst er að þeir, sem hafa þann rétt sem ríkisstarfsmenn nú í þessum fyrirtækjum hafa ráðningarsamning þar sem þeir fengju árslaun greidd ef þeirra starf yrði lagt niður, munu þegar við það að fyrirtækið verður að hlutafélagi missa þennan rétt ef ríkið verður þá ekki dæmt eða fyrirtækið til að greiða skaðabætur fyrir. Og það er þess vegna hægt að segja gömlum starfsmanni verksmiðjanna upp strax daginn eftir og þessi lög hafa tekið gildi.
Ég hef velt því fyrir mér síðan það lá fyrir eftir atkvæðagreiðsluna að engar af okkar tillögum voru teknar til greina, hvað ég ætti að gera við lokaafgreiðslu málsins. Ég greiddi atkvæði með 1. gr. frv. sem fjallaði um það að gera þetta fyrirtæki að hlutafélagi, en ég treysti mér ekki eftir að búið að fella allar okkar tillögur til þess að styðja þetta mál og ég hef komist að þeirri niðurstöðu að ég muni greiða atkvæði gegn því.
Virðulegur forseti. Það urðu mér töluverð vonbrigði að ekki skyldi nást samkomulag um þær brtt. sem minni hluti sjútvn. flutti við þetta frv. um Síldarverksmiðjur ríkisins og mér fannst satt að segja furða hvað meiri hlutinn gekk hart fram í málinu að hann skyldi ekki teygja sig til móts við okkur í neinu af þeim atriðum sem við reyndum að koma fram til lagfæringar á frv. Ég vil minna á að m.a. lögðum við til að farið yrði hægt í að selja fyrirtækið og það yrðu sett þar mörk. Menn héldu meirihlutaeign ríkisins á fyrirtækinu um tíma meðan það sæist hvernig til hefði tekist með þessa breytingu. Við lögðum til að Alþingi kysi þessa menn sjálft á meðan meirihlutaeign væri ríkisins. Við lögðum til að það yrði komið á samstarfsnefndum á þeim stöðum þar sem þessar verksmiðjur eru reknar og við lögðum til að menn féllu frá því glapræði að skerða réttindi starfsmannanna. Þessar réttindaskerðingar hafa verið til umfjöllunar hjá lögfræðingum og það eru lögfræðiálit með í þessum plöggum sem menn höfðu til að skoða í sambandi við þetta frv. þar sem það er mjög skýr niðurstaða að þarna væri verið að taka samningsbundin réttindi af mönnum og skaðabótaréttur mundi skapast fyrir utan það sem augljóst er að þeir, sem hafa þann rétt sem ríkisstarfsmenn nú í þessum fyrirtækjum hafa ráðningarsamning þar sem þeir fengju árslaun greidd ef þeirra starf yrði lagt niður, munu þegar við það að fyrirtækið verður að hlutafélagi missa þennan rétt ef ríkið verður þá ekki dæmt eða fyrirtækið til að greiða skaðabætur fyrir. Og það er þess vegna hægt að segja gömlum starfsmanni verksmiðjanna upp strax daginn eftir og þessi lög hafa tekið gildi.
Ég hef velt því fyrir mér síðan það lá fyrir eftir atkvæðagreiðsluna að engar af okkar tillögum voru teknar til greina, hvað ég ætti að gera við lokaafgreiðslu málsins. Ég greiddi atkvæði með 1. gr. frv. sem fjallaði um það að gera þetta fyrirtæki að hlutafélagi, en ég treysti mér ekki eftir að búið að fella allar okkar tillögur til þess að styðja þetta mál og ég hef komist að þeirri niðurstöðu að ég muni greiða atkvæði gegn því.