Félagsmálaráðherra (Jóhanna Sigurðardóttir)
:
Virðulegi forseti. Ég get tekið undir það með fyrirspyrjanda að hér er um mjög mikilvæga þjónustu að ræða sem ber að efla og ég hygg, eins og fram kom í máli mínu áðan, að það sé erfitt að bera saman tölur varðandi þessa þjónustu og spítalaþjónustu, þá sé hér um ódýrari þjónustu að ræða. Legurdagurinn kostar um 20.000 kr. á hátæknisjúkrahúsum og 6.000--7.000 kr. eru daggjöld á hjúkrunarheimilum en við erum að tala um á milli 4.000 og 5.000 kr. þannig að hér er augljóslega um mjög álitlegan kost að ræða. Eins og kom fram í máli mínu áðan hefur þetta verkefni verið í þróun og eins og ég nefndi líka þá hefur nefnd sem er að skoða endurskipulagningu á heimahjúkrun sérstaklega verið falið að skoða þennan þátt málsins. Það er auðvitað brotalöm í þessu að þessi þjónusta skuli ekki með skipulegri hætti ná til landsbyggðarinnar, álíka og hún gerir í Reykjavík. Ég held það hljóti að koma til sérstakrar skoðunar í þessu nefndastarfi að víkka þessa þjónustu þannig að hún nái með betri og skipulegri hætti út til landsbyggðarinnar.
Virðulegi forseti. Ég get tekið undir það með fyrirspyrjanda að hér er um mjög mikilvæga þjónustu að ræða sem ber að efla og ég hygg, eins og fram kom í máli mínu áðan, að það sé erfitt að bera saman tölur varðandi þessa þjónustu og spítalaþjónustu, þá sé hér um ódýrari þjónustu að ræða. Legurdagurinn kostar um 20.000 kr. á hátæknisjúkrahúsum og 6.000--7.000 kr. eru daggjöld á hjúkrunarheimilum en við erum að tala um á milli 4.000 og 5.000 kr. þannig að hér er augljóslega um mjög álitlegan kost að ræða. Eins og kom fram í máli mínu áðan hefur þetta verkefni verið í þróun og eins og ég nefndi líka þá hefur nefnd sem er að skoða endurskipulagningu á heimahjúkrun sérstaklega verið falið að skoða þennan þátt málsins. Það er auðvitað brotalöm í þessu að þessi þjónusta skuli ekki með skipulegri hætti ná til landsbyggðarinnar, álíka og hún gerir í Reykjavík. Ég held það hljóti að koma til sérstakrar skoðunar í þessu nefndastarfi að víkka þessa þjónustu þannig að hún nái með betri og skipulegri hætti út til landsbyggðarinnar.