Páll Pétursson
(andsvar)
:
Herra forseti. Það er nú nokkuð langt seilst um hurð til lokunnar hjá hv. 3. þm. Reykv. að telja að afgreiðslan í haust, fyrrahaust, meini okkur að minnast á þjóðaratkvæðagreiðslu fyrr en einhvern tíma í framtíðinni. Hér er nú um annað þingmál að ræða. Þessi tillaga er allt öðruvísi orðuð heldur en hin og auðvitað er altítt að fluttar séu tillögur um sama efni tvisvar á sama þingi. Þetta er ekki sama tillagan eins og flutt var á þskj. hér einhvern tíma í okt. eða nóv. heldur undir öðrum formerkjum.
